Technology Khabar ५ चैत्र २०८१, मंगलवार
काठमाडौं ।
सरकारले औद्योगिक व्यवसाय (पहिलो संशोधन) नियमावली २०८१ जारी गरेको छ। केही दिनअघि नेपाल राजपत्रको भाग ३ मा प्रकाशित ‘नेपाल सरकार उद्योग वाणिज्य तथा आपूर्ति मन्त्रालयको सूचना’ मा अन्तर्गत छापिएको उक्त नियमावलीमा स्टार्टअप उद्यमको दर्ता प्रक्रियादेखि दर्ता खारेजीसम्मका व्यवस्थालाई समावेश गरिएको छ।
नियमावली अनुसार स्टार्टअप उद्यम स्टार्टअप उद्यम दर्ता तथा सञ्चालनका लागि फर्म वा कम्पनीले विभिन्न कागजात तथा विवरण सहित उद्योग दर्ता गर्ने निकायमा निवेदन दिनुपर्छ। निवेदनको ढाँचा यसै नियमावलीको अनुसूची-१७क मा राखिएको छ।
बुझाउनुपर्ने कागजातहरु:
यसरी बुझाइएको निवेदन र कागजात जाँचबुझ गर्दा स्टार्टअप उद्यमको रूपमा दर्ता गर्न उपयुक्त देखिएमा उद्योग दर्ता गर्ने निकायले त्यस्तो स्टार्टअप उद्यम दर्ता गरेर तोकिएको ढाँचामा ढाँचामा स्टार्टअप उद्यम दर्ताको प्रमाणपत्र दिनु पर्ने प्रावधान छ।
दर्ता भएको स्टार्टअप उद्यमको उद्योग दर्ता गर्ने निकायले एकीकृत सूची बनाई अभिलेख राख्छ। यसरी दर्ता भएको स्टार्टअप उद्यमले एक वर्षभित्र उद्यम सञ्चालन गरी उद्योग दर्ता गर्ने निकायमा सोको जानकारी दिनु पर्नेछ।
नियम बमोजिम दर्ता भएको उद्यम नियम बमोजिम सञ्चालन पनि गर्नुपर्छ। नियम विपरीत भएमा उद्यम खारेजसमेत हुन सक्छ।
नियमावलीको १५ख मा स्टार्टअप उद्यमको दर्ता खारेजीको प्रावधान राखिएको छ। ‘ऐनको दफा ४क बमोजिम दर्ता भएको स्टार्टअप उद्यमको दर्ता खारेज ऐनको दफा १५ र नियम १२ बमोजिम हुनेछ।
‘कुनै कारणले उद्योग सञ्चालन गर्न नसकिने भएमा त्यस्तो उद्योगको दर्ता खारेजीको लागि उद्योग दर्ता गर्ने निकायसमक्ष तोकिए बमोजिमको विवरण र कागजातसहित तोकिएको ढाँचामा निवेदन दिन सकिनेछ’, ऐनको दफा १५ मा उल्लेख छ।
यसैगरी नियमावलीको १५ग मा स्टार्टअप उद्यमको रूपमा कायम नरहने बारे उल्लेख छ। तलका अवस्थामा स्टार्टअप उद्यमको रूपमा कायम रहँदैन।
प्रकाशित: ५ चैत्र २०८१, मंगलवार
