आर्टिफिसियल इन्टेलिजेन्सले वैज्ञानिकहरूलाई वर्षौं लाग्ने समस्या दुई दिनमै हल गर्यो

काठमाडौं ।

माइक्रोबायोलोजिस्टहरूलाई एक दशक लाग्ने एउटा जटिल समस्यालाई नयाँ आर्टिफिसियल इन्टेलिजेन्स (एआई) टुलले मात्र दुई दिनमा हल गरेको छ।

इम्पेरियल कलेज लन्डनका प्रोफेसर जोस आर पेनाडेस र उनको टोलीले केही सुपरबगहरू किन एन्टिबायोटिक प्रतिरोधी हुन्छन् भनेर प्रमाणित गर्न वर्षौं बिताएका थिए।

उनले यो समस्या गुगलले बनाएको एआईसहितको टुललाई दिएको र जसले ४८ घण्टामै समाधान गर्न सफल भएको उल्लेख गरिएको छ।

वैज्ञानिकहरूले यसलाई समाधान गर्न दशक लगेको र जसमा अनुसन्धानलाई मान्य गर्न लाग्ने समय पनि समावेश रहेको बताइएको छ जुन आफैंमा धेरै वर्ष हो।

यदि उनीहरूले परियोजनाको सुरुमै परिकल्पना गरेको भए उनीहरूले वर्षौंको काम बचाउने थिए भन्ने उनीहरूले बताएका छन्। टुलले वास्तवमा उनको आफ्नो अनुसन्धानलाई सफलतापूर्वक नक्कल गर्नु भन्दा धेरै काम गरेको प्रोफेसर पेनाडेसले बताएका छन्।

“यो उनले प्रस्ताव गरेको मुख्य परिकल्पना सही थियो भन्ने मात्र होइन” उनले भने। “उनले थप चार प्रस्ताव गरेको र ती सबैले अर्थ राखे,” प्रोफेसरले थपे।

अनुसन्धानकर्ताहरूले कथित रूपमा केहि सुपरबगहरू – एन्टिबायोटिक प्रतिरोधी खतरनाक सूक्ष्मजीवहरू – कसरी सिर्जना हुन्छन् भनेर पत्ता लगाउन कोशिस गरिरहेका बीबीसीलाई उद्धृत गर्दै टेलिग्राफले उल्लेख गरेको छ।

सुपरबगहरूले विभिन्न भाइरसहरूबाट “पुच्छर” बनाउन सक्छ जसले तिनीहरूलाई प्रजातिहरू बीच फैलाउन अनुमति दिन्छ भन्ने तिनीहरू (वैज्ञानिकहरू)को परिकल्पना रहेको छ।

साथै पेनाडेस गुगलको नयाँ एआई टुल परीक्षण गर्नको लागि यसलाई प्रयोग गर्न पाउँदा खुसी भएको उल्लेख गरिएको छ।

केवल दुई दिन पछि, एआईले केही परिकल्पनाहरूका साथ फिर्ता आएको बताइएको छ र जसमा पहिलो विचारले मुख्य जवाफको रुपमा उनको अनुसन्धानले वर्णन गरे जस्तै तरिकामा सुपरबगहरू हटाउन सक्छ भन्ने सुझाव दिइएको थियो।

“यसले विज्ञानलाई परिवर्तन गर्नेछ”
एआईको प्रभाव अत्यधिक विवादित छ। यसले वैज्ञानिक प्रगतिलाई सक्षम बनाउँछ भन्ने भनाइ आउँदै गर्दा कसैले भने यसले जागिरहरू हटाउनेछ भन्ने चिन्ता व्यक्त गरेका छन्।

आगामी दिनमा यो निकै उपयोगी हुनेमा परियोजनाका अनुसन्धानकर्ता विश्वस्त रहेको उनले बताए। “मलाई लाग्छ यसले विज्ञानलाई निश्चित रूपमा परिवर्तन गर्नेछ,“ प्रोफेसरले भने।

“म एक शानदार चीजको अगाडि छु र म यसको हिस्सा हुन पाउँदा धेरै खुसी छु” उनले निष्कर्षमा भने टेलीग्राफले उल्लेख गरेको छ।