आर्गोनट मुन ल्यान्डर ईएसए तथा थालेस एलेनिया स्पेसले संयुक्त रुपमा निर्माण गर्ने

काठमाडौं ।

युरोपियन स्पेस एजेन्सी (युरोपेली अन्तरिक्ष एजेन्सी) ले चन्द्रमामा कार्गो, वैज्ञानिक उपकरण र प्रविधि ढुवानी गर्न डिजाइन गरिएको अर्को पुस्ताको लुनार ल्यान्डर आर्गोनटको विकाससँगै चन्द्रमा अन्वेषण दौडमा आधिकारिक रूपमा प्रवेश गरेको छ।

युरोपको अन्तरिक्ष महत्वाकांक्षा र अन्तर्राष्ट्रिय चन्द्र अन्वेषण प्रयासहरूमा यसको भूमिकामा यो एउटा प्रमुख माइलस्टोन (कोसेढुङ्गा/सफलता) को रुपमा  आएको छ।

यो भिजनलाई जीवन्त बनाउनका लागि ईएसएले ल्यान्डरको चन्द्र सतहमा सटीक अवतरण सुनिश्चित गर्ने एक महत्त्वपूर्ण कम्पोनेन्ट लुनार डिसेन्ट एलिमेन्ट निर्माण गर्नका लागि फ्रान्सेली थालेस समूह (६७ प्रतिशत) र इटालीको लियोनार्डो (३३ प्रतिशत) बीचको संयुक्त उद्यम, थालेस एलेनिया स्पेसलाई ८९ करोड ७० लाख डलरको ठेक्का प्रदान गरेको छ।

धेरै अघिल्ला ल्यान्डरहरू भन्दा फरक, आर्गोनटलाई पाँच वर्षसम्म सञ्चालनमा रहन सक्षम पार्दै यसलाई चन्द्रमाको चरम दिन–रातको चक्रको सामना गर्न डिजाइन गरिएको छ।

ल्यान्डरले स्ट्याण्डर्ड डिसेन्ट र कार्गो मोड्युल फिचर गर्ने अपेक्षा गरिएको छ भने विभिन्न पेलोड कन्फिगरेसनहरूले यसलाई – भविष्यका अन्तरिक्ष यात्रीहरूका लागि आवश्यक आपूर्तिहरू प्रदान गर्नेदेखि वैज्ञानिक उपकरणहरू र रोभरहरू तैनाथ गर्ने जस्ता मल्टिपल पर्पोज (बहुउद्देश्यीय) हरू पूरा गर्न अनुमति दिनेछ।

नेभिगेसन, टेलिकम्युनिकेसन (दूरसंचार) र पावर सिस्टम (प्रणाली) हरू सहित चन्द्रमामा पूर्वाधार विकासलाई समर्थन गर्ने लक्ष्य राखेर पहिलो आर्गोनट मिसन सन् २०३१ को लागि योजना तय गरिएको छ।

मुख्य ठेकेदारको रूपमा, थेलेस एलेनिया स्पेसले आर्गोनटको इन्ट्रि, डिसेन्ट, र अवतरण प्रणालीको साथै यसको थर्मल, एभियोनिक्स र सफ्टवेयर आर्किटेक्चरको विकास गर्न औद्योगिक कन्सोर्टियमको नेतृत्व गरिरहेको छ।

इटाली, फ्रान्स र युनाइटेड किङ्गडममा कम्पनीको टोलीहरूले डाटा ह्यान्डलिङ, प्रोपल्सन र नेभिगेसनसहित महत्वपूर्ण सबसिस्टम (उपप्रणाली) हरू ह्यान्डल गर्नका लागिसेट गरिएको उल्लेख छ। यसैबीच, एक जर्मन एयरोस्पेस निर्माता ओएचबी सिस्टम एजी भने निर्देशन, नियन्त्रण प्रणाली र दूरसंचारको लागि जिम्मेवार रहेको उल्लेख छ।

यो मोड्युलर अप्रोचले आर्गोनटलाई चन्द्र मिशनहरूको विस्तृत श्रृंखलालाई समर्थन गर्न अनुमति दिनेछ भने यसलाई युरोपको दीर्घकालीन चन्द्र अन्वेषण लक्ष्यहरूको लागि बहुमुखी सम्पत्ति बनाउँछ।

ल्यान्डरले १.५ मेट्रिक टनसम्म कार्गो बोक्न सक्षम हुने अपेक्षा गरिएको छ जसले सम्भावित रूपमा यसलाई नासाको आर्टेमिस कार्यक्रममा अत्यावश्यक कम्पोनेन्टको रूपमा सेट अप गर्ने बताइएको छ र जसले सन् २०२७ सम्ममा मानिसलाई चन्द्रमामा लाने लक्ष्य राखेको छ।

आर्गोनट परियोजना चन्द्रमा यातायात प्रणाली मात्र नभएर यसले चन्द्रमामा स्वतन्त्र पहुँच स्थापित गर्ने युरोपको महत्वाकांक्षालाई प्रतिनिधित्व गर्दछ। थालेस एलेनिया स्पेससँगको सम्झौताले ईएसएको प्राविधिक क्षमताहरूलाई मात्र बलियो नबनाएर द्रुत रूपमा विकसित अन्तरिक्ष उद्योगमा युरोपको प्रतिस्पर्धात्मकतालाई पनि बढावा दिनेछ।

थालेस एलेनिया स्पेसका सीईओ जीन–लोइक गालेले यस परियोजनाको महत्त्वलाई जोड दिँदै, यसले “चन्द्रमा अन्वेषणमा युरोपको भूमिकालाई बलियो बनाउने र दिगो चन्द्र अर्थतन्त्रको लागि अवसरहरू सिर्जना गर्नेछ” भनि उल्लेख गरेको स्पेसएक्सप्लोर्डले बताएको छ।

अन्तरिक्ष अन्वेषणमा अन्तर्राष्ट्रिय सहयोग एक प्रमुख कारक बनेको छ भने युरोपको लागि मात्र नभएर विश्वको लागि आर्गोनटले चन्द्र गतिविधिको भविष्यलाई आकार दिन प्रमुख भूमिका खेल्न सक्ने बताइएको छ।

“यस प्रकारको पहिलो युरोपेली लुनार ल्यान्डरले गहिरो अन्तरिक्ष अन्वेषणमा हाम्रो औद्योगिक क्षमताहरूलाई अगाडि बढाउनको लागि ईएसएको समर्पण देखाउँछ” भनि ह्युम्यान र रोबोटिक अन्वेषणका लागि ईएसए निर्देशक डेनियल न्युएन्स्वान्डरले एक समाचार विज्ञप्तिमा भने।

“आर्गोनटले चन्द्रमामा दिगो मानव उपस्थितिको लागि मार्ग निर्माण गर्दै अन्तर्राष्ट्रिय साझेदारीमा अर्थपूर्ण रूपमा योगदान गर्न युरोपलाई सक्षम पार्नेछ। युरोप चन्द्रमाको यात्रामा रहेको छ र अन्वेषणमा युरोपेली स्वायत्तताको लागि सफलता हासिल गरेको छ।”