एनभिडियाको शेयर फेरि उकालियो, डीपसिक एआईको प्रभावपछि पुनर्निर्माणको संकेत

काठमाडौं ।

एनभिडियाको शेयरमा बुधबार युरोपमा उछाल देखिएको छ। यसले कृत्रिम बुद्धिमता (एआई) बजारको केन्द्रमा रहेको कम्पनीको शेयर यस हप्ता भएको गिरावटपछि फेरि बढ्न सक्ने संकेत दिएको छ। चीनको डीपसिक एआई उपकरणको उदयले यो गिरावट सुरु गरेको थियो।

युरोपमा प्रारम्भिक व्यापारमा एनभिडियाको फ्रांकफर्टमा सूचीबद्ध शेयर २.७ प्रतिशतले वृद्धि भयो। यसको अघिल्लो दिन वाल स्ट्रिटमा यो शेयर ८.९ प्रतिशतले बढेको थियो।

सोमबार डीपसिक एआई उपकरणहरूको उदयले च्याटजीपीटी र ओपनएआईजस्ता प्रमुख खेलाडीहरूलाई मात्र चुनौती दिने नभई एआई विकास लागत तीव्र गतिमा घट्दै गएको संकेत समेत दिएको छ। यसले एआई सम्बन्धित शेयरहरूलाई ठूलो मात्रमा प्रभाव पार्यो। एनभिडिया र अन्य प्रविधि कम्पनीहरूको बजार मूल्यबाट अर्बौं डलर घट्यो।

सोमबार डिफसीङ्कङ्कव आगमनपछि एनभिडियाको शेयर १७ ले झर्यो जसले कम्पनीलाई लगभग ६०० बिलियन डलरको बजार मूल्य गुमाउन बाध्य बनायो। यो कुनै पनि कम्पनीको इतिहासमा एक दिनको सबैभन्दा ठूलो गिरावट भएको रोयटर्सले उल्लेख गरेको छ।