डिजिटल नेपाल प्रोजेक्टको लागि वातावरणीय तथा सामाजिक प्रतिबद्धता योजनाको मस्यौदा सार्वजनिक

काठमाडौं ।

सञ्चार तथा सूचना प्रविधि मन्त्रालयले डिजिटल नेपाल प्रोजेक्ट सम्झौता अगावै पूर्व तयारीको क्रममा सार्वजनिक गर्नुपर्ने वातावरणीय तथा सामाजिक प्रतिबद्धता योजना (इएससीपी) को मस्यौदा प्रतिवेदन सार्वजनिक गरेको छ।

मन्त्रालयले नेपाल सरकार र विश्व बैक बीचमा हुने डिजिटल नेपाल प्रोजेक्ट सम्झौता अगाबै पूर्व तयारीको क्रममा सार्वजनिक गर्नुपर्ने इएससीपीको मस्यौदा प्रतिवेदनमा राय सुझाब माग्दै सबै सरोकारवालाहरूको जानकारीको प्रकाशन गरेको हो।

उक्त मस्यौता प्रतिवेदनले तोकिएका कुराहरूमा सीमितता नराखी, यस इएससीपीले सरकारले गर्ने वा गराउने भौतिक उपायहरू र कार्यहरू सेट गर्दछ, जसमा लागू भएमा, कार्यहरू र उपायहरूको समयसीमा, संस्थागत, कर्मचारी, तालिम, अनुगमन र रिपोर्टिङ व्यवस्था, गुनासो व्यवस्थापन, स्वास्थ्य तथा सुरक्षा व्यवस्थापन लगायतका विषयहरु समावेश छन्।

इएससीपीले परियोजना अन्तर्गत अपनाइने र कार्यान्वयन गरिने वातावरणीय र सामाजिक (ई एण्ड एस) उपायहरू पनि सेट गर्दछ, जुन सबै पूर्व परामर्श र खुलासाको अधीनमा हुने उल्लेख छ।

इएससीपी डिजिटल नेपाल प्रोजेक्टका लागि गरिने वित्तीय सम्झौताको एक भाग भएको बताईएको छ।