अमेरिकी टिकटक किन्न चासो दिँदै यूट्युबर मिस्टर बीस्ट, प्रस्तावमा सहभागी

काठमाडौं ।

कर्मचारी व्यवस्थापन कम्पनी इम्प्लोयर डटकमका सीईओ जेसी टिन्सले यो वर्षको सबैभन्दा चकित पार्ने अधिग्रहणको दौडमा सामेल भएका छन्।

इम्प्लोयर डटकमले गत महिना क्यानाडेली लेखा स्टार्टअप बेञ्चलाई अधिग्रहण गर्ने योजना घोषणा गरेको थियो  जसले बिदाको समयमा अचानक आफ्नो सेवा बन्द गरेको थियो।

अब टिन्सले इम्प्लोयर डटकम युट्युबर मिस्टर बिस्ट र अन्यसँग मिलेर टिकटकलाई बचाउन रकमको प्रस्ताव दिएको ब्लूमबर्गले जनाएको छ। प्रस्तावको रकम सार्वजनिक गरिएको छैन। समूहको कानूनी सल्लाहकारमा ट्रम्पका पूर्व महान्यायाधिवक्ताका भाइ ब्राड बन्डी पनि छन्।

टेकक्रञ्चका अनुसार शनिबार टिकटक छोटो समयको लागि बन्द भए पनि सोमबार राष्ट्रपति ट्रम्पले सम्भावित प्रतिबन्धलाई ७५ दिनका लागि स्थगित गर्ने कार्यकारी आदेशमा हस्ताक्षर गर्नु अघि यो फेरि सक्रिय भएको थियो।

ब्लूमबर्गले टिकटकको मूल कम्पनी बाइटडान्सले यो प्रस्तावलाई गम्भीर रूपमा विचार गरेको वा नगरेको स्पष्ट नभएको बताएको छ। एलन मस्क, अमेजन, ओरेकल र अर्बपति फ्र्याङ्क म्याककोर्टको नेतृत्वमा रहेको समूह सम्भावित खरिदकर्ताका रूपमा अघि बढाइएको छ।