Technology Khabar ३० मंसिर २०८१, आईतवार
काठमाडौं ।
स्पेसएक्सका मालिक तथा अर्बपति इलन मस्कको एक्सएआईले ग्रोक-२ एआई च्याटबट निःशुल्क उपलब्ध गराउने घोषणा गरेको छ।
मस्कको कृत्रिम बुद्धिमत्ता अर्थात् आर्टिफिसियल इन्टेलिजेन्स स्टार्टअप एक्सएआईले शनिबार यसको नयाँ संस्करण ग्रोक-२ एआई च्याटबोट सबै सोशल मिडिया प्लेटफर्म एक्सका प्रयोगकर्ताहरूका लागि निःशुल्क हुने घोषणा गरेको हो।
“सधैंझैं, प्रिमियम र प्रिमियम+ प्रयोगकर्ताहरूले उच्च प्रयोग सीमा पाउनेछन् र भविष्यका नयाँ क्षमताहरू सबैभन्दा पहिला उपयोग गर्न सक्नेछन्,” स्टार्टअपले आफ्नो ब्लगमा उल्लेख गरेको छ।
एक्सएईले पछिल्लो केही हप्तादेखि ग्रोक-२ मोडेलको नयाँ संस्करण शान्त रूपमा परीक्षण गरिरहेको पनि रोयटर्सले जनाएको छ।
प्रकाशित: ३० मंसिर २०८१, आईतवार
