काठमाडौं ।
फेसबुक, मेसेन्जर र इन्स्टाग्राम अस्थायी रूपमा बन्द भएपछि पुनः कार्यमा फर्किएका छन्। यी एप्लिकेसनहरूले प्रणालीबाट ड्रप भएको धेरै घण्टापछि पुनः कार्यमा फर्किएको उल्लेख छ।
समस्याहरू देखिएसँगै तिनीहरूलाई समाधान गर्न काम गरिरहेका छौं भनि फेसबुकले प्रतिक्रिया दिएको छ।
यो सामाजिक सञ्जालका केही प्रयोगकर्ताका लागि प्राविधिक समस्या देखिएको फेसबुकले घोषणा गरेको छ। यो समस्या गएको मध्यरातको हाराहरी भएको उल्लेख छ।
‘नमस्ते साथीहरू। हामीलाई थाहा छ कि प्राविधिक समस्याले केही प्रयोगकर्ताहरूको फेसबुक पहुँच गर्ने क्षमतालाई असर गरिरहेको छ। हामी समस्याहरूलाई सकेसम्म चाँडो सामान्य बनाउन काम गरिरहेका छौं र कुनै पनि असुविधाको लागि क्षमा चाहन्छौं’, घोषणामा भनिएको छ।
‘फेसबुक, इन्स्टाग्राम र व्हाट्सएप काम गरिरहेका छैनन्’
‘फेसबुक डाउन भएको छ भने इन्स्टाग्राम र मेसेन्जरमा पनि ठूलो समस्या देखिएको छ। साथै व्हाट्सएपमा पनि कथित रूपमा ठूलो समस्या भइरहेको र विश्वभरका प्रयोगकर्ताहरूको ठूलो संख्या रिपोर्ट भइरहेको छ, ‘फोर्ब्सले उल्लेख गरेको थियो।
कोसोभोका प्रयोगकर्ताहरूले पनि फेसबुकमा लग इन गर्न ठूलो समस्या भोगिरहेको उल्लेख गरिएको थियो। आफ्नो खाताबाट लग आउट भएका प्रयोगकर्ताहरूले फेरि लग इन गर्न नसकेको र पहिले नै लग इन भएकाहरूले भने केही पनि गर्न नसक्ने समस्या व्याप्त थियो।
त्यसैगरी कतिपय प्रयोगकर्ताले ह्वाट्सएप र मेसेन्जरमा सन्देश पठाउन नसक्ने गुनासो गरिरहेका थिए।
वेबसाइटहरूमा आएको समस्या रेकर्ड गर्ने डाउनडिटेक्टर वेबसाइटमा धेरै संख्यामा मानिसहरूले फेसबुक, इन्स्टाग्राम, मेसेन्जर र व्हाट्सएपले काम नगरेको भनेर रिपोर्ट गरेको देखिएको टेलीग्राफले उल्लेख गरेको छ।
प्रकाशित: २७ मंसिर २०८१, बिहीबार
