काठमाडौं ।
स्पेसएक्सले आफ्नो स्टारशिपको छैटौं परीक्षण उडान सुरु गर्न पूर्ण तयारी गरेको छ। कम्पनीले नोभेम्बर १९ तारिखमा फेरि स्टारशिपलाई अन्तरिक्षमा पठाउनेछ। यो रकेट ३० मिनेटको विन्डोमा प्रक्षेपण हुनेछ। कम्पनीले यसलाई बिहान स्थानीय समयअनुसार ३.३० बजे लन्च गर्नेछ।
कम्पनीले यो उडानमार्फत अभूतपूर्व प्रयोग गर्ने प्रयास गर्ने दाबी गरेको छ। तर चाखलाग्दो कुरा के छ भने, यो प्रकाशमा आएको छ कि स्पेसएक्सले आफ्नो स्टारशिपमा केराको फोटो राखेको छ, जुन हाल इन्टरनेटमा चर्चाको विषय बनेको छ।
स्पेस कम्पनीले आफ्नो अन्तरिक्ष यानमा केराको मीम राख्नुको कारण बारेमा जानौं।
नेपाली समयअनुसार नोभेम्बर २० को बिहानीपख, स्पेसएक्सले फेरि एक पटक आफ्नो स्टारशिपलाई अन्तरिक्ष यात्रामा पठाउनेछ। तर रकेट केराको चित्रका साथ जाँदैछ। कम्पनीले अन्तरिक्ष यानमा केराको फोटो राखेको छ। रोचक कुरा के छ भने यहाँ एउटा केरा देखाइएको छ, जसले हातमा अर्को एउटा सानो केरा पनि समातेको छ। यो स्टिकर वास्तवमा लोकप्रिय इन्टरनेट मीम “स्केलका लागि केरा (banana for scale)” को हास्य सन्दर्भ हो। यसको प्रयोग केरासँग तुलना गरेर कुनैपनि अर्को वस्तुको आकार देखाउन गर्ने गरिन्छ।
मीम यो विचारमा आधारित छ कि कुनै मापन यन्त्रहरू उपलब्ध नभएको अवस्थामा केराले उपयुक्त मापनको रूपमा काम गर्न सक्छ किनभने यो संसारमा जताततै पहिचान गर्न सकिने र मानक आकारको वस्तु हो। स्टारसिपको सन्दर्भमा कम्पनीले यो मीममार्फत रकेटको माथिल्लो चरणमा स्टारसिप रहेको सन्देश दिन चाहन्छ। जहाँ पहिलो चरणमा धेरै ठूलो बुस्टर छ जसलाई सुपर हेभी भनिन्छ। यी दुई कुरा मिलाएर यो रकेट ४ सय फिट उचाइको बन्छ। अर्थात्, कम्पनीले रकेटको दुवै भागको आकार तुलना गर्न यस प्रकारको मीम प्रयोग गरेको बताईएको छ।
स्टारशिपको छैटौं उडानलाई निकै महत्वपूर्ण मानिएको छ। कम्पनीले नोभेम्बर १९ वा नेपाली समयअनुसार नोभेम्बर २० को बिहान लन्च गर्दा यो दिन निकै महत्वपूर्ण हुनेछ। स्पेसएक्सले यो उडानमार्फत नयाँ प्रयोग गर्नेछ। त्यसैले, सबैको नजर यो उडानमा हुनेछ। कम्पनीको लागि स्टारशिप धेरै महत्त्वपूर्ण छ। इलन मस्कको अन्तरिक्ष कम्पनीले यसलाई निरन्तर सुधार गरिरहेको छ।
प्रकाशित: ४ मंसिर २०८१, मंगलवार
