फक्सकनको सहायक कम्पनीले इन्टिग्रेटेड सर्किटमा लगानीका लागि उठायो ८ करोड डलर

काठमाडौं ।

ताइवानी विशाल कम्पनी फक्सकनको सहायक कम्पनी शन्सिनले उत्तरी भियतनाममा इन्टिग्रेटेड सर्किट उत्पादन गर्न ८ करोड डलर लगानीको अनुमति मागेको भियतनामको वातावरण मन्त्रालयको एक दस्तावेजले जनाएको छ।

प्रस्तावित कारखाना बाक गियाङ प्रान्तमा हुनेछ र मुख्य रूपमा एकीकृत सर्किट बोर्डसहितका इलेक्ट्रोनिक कम्पोनेन्टहरू उत्पादन र प्रशोधनमा केन्द्रित हुने दस्तावेजमा भनिएको छ।

शन्सिनले २०२६ को डिसेम्बरदेखि पूर्ण क्षमतामा काम सुरु गर्ने योजना बनाएको छ जसको वार्षिक उत्पादन क्षमता ४.५ मिलियन युनिट हुनेछ दस्तावेजमा थपिएको छ।

रोयटर्सका अनुसार शन्सिनले तत्कालै टिप्पणीको लागि अनुरोधमा प्रतिक्रिया दिएको थिएन। यो फक्सकनको एक युनिटद्वारा बहुसंख्यक स्वामित्वमा छ जुन विश्वको सबैभन्दा ठूलो कन्ट्र्याक्ट इलेक्ट्रोनिक्स निर्माता र संयोजक हो। फक्सकन जसलाई औपचारिक रूपमा होन हाइ प्रेसिजन इन्डस्ट्री भनेर चिनिन्छ, पहिले नै भियतनाममा ठूलो मात्रामा सञ्चालन गर्दै आएको छ।

गत जुलाईमा फक्सकनले आफ्नै युनिट फक्सकन सिंगापुरमार्फत उत्तरी भियतनाममा प्रिन्टेड सर्किट बोर्डको कारखाना बनाउन ३८.३ करोडको लगानीको लाइसेन्स प्राप्त गरेको थियो। मन्त्रालयको दस्तावेजअनुसार भियतनामको शन्सिन प्लान्टबाट उत्पादन हुने सबै उत्पादनहरू संयुक्त राज्य अमेरिका, युरोपेली संघ, र जापानमा निर्यात गरिनेछ।

फक्सकनले २००० को दशकदेखि दक्षिणपूर्वी एशियाली देश भियतनाममा प्रवेश गरेदेखि अहिलेसम्म ३.२ अर्ब डलरभन्दा बढीको लगानी गरेको छ। यसको अधिकांश उत्पादन कारखाना उत्तरी प्रान्तहरू बक निन र बक गियाङमा अवस्थित रहेको रोयटर्सले जनाएको छ।