Technology Khabar ८ कार्तिक २०८१, बिहीबार
काठमाडौं ।
नेपाली युवा उद्यमी मञ्च (एनवाईईएफ) काठमाडौं च्याप्टरले चौथो संस्करण एनवाईईएफ स्टार्टअप अवार्ड्स ४.० शुरु भएको घोषणा गरेको छ। यो प्रतियोगिता नेपालको नवप्रवर्तनशील उद्यमीहरूलाई चिनाउने र सशक्त पार्ने उद्देश्यले आयोजना गरिएको आयोजकको भनाई छ।
स्टार्टअप अवार्ड्स ४.० उद्यमीहरूलाई आफ्नो व्यवसायिक विचारहरू प्रस्तुत गर्न, उद्योगका नेताहरूसँग नेटवर्क बनाउन, र आफ्नो व्यवसायलाई नयाँ उचाइमा पुर्याउन मार्गदर्शन प्रदान गर्ने एक अद्वितीय प्लेटफर्म हो। विगतका संस्करणहरूमा विजेता बनेका डाक्टर्स अन कल, करोबार एप, गली म्याप्स, पेट मामा, र डेलिश डेरी जस्ता स्टार्टअपहरूले उल्लेखनीय सफलताहरू हासिल गरेका छन्।
यस वर्ष सहभागी हुने स्टार्टअपहरूले निम्नलिखित लाभहरू प्राप्त गर्नेछन्:
आयोजकका अनुसार प्रतियोगिता एक संरचित छनोट प्रक्रियामा आधारित हुनेछ, जसमा प्रारम्भिक चरणमा २० आशाजनक स्टार्टअपहरूको छनोट गरिनेछ। यी स्टार्टअपहरूले सघन मार्गदर्शन, विज्ञहरूको सत्र, र व्यवसाय विकासको सहयोग प्राप्त गर्नेछन्।
प्रतियोगिताको अन्त्यमा डेमो डे हुनेछ, जहाँ सात जना फाइनलिस्टहरूले प्रतिष्ठित निर्णायकहरूको सामु आफ्नो व्यवसायिक विचारहरू प्रस्तुत गर्नेछन्।
आवेदनहरू अहिले खुला छ भने २०२४ नोभेम्बर १५ मा बन्द हुनेछ। योग्यताका मापदण्डहरू पूरा गर्ने पाँच वर्षभन्दा कम समयदेखि सञ्चालनमा रहेका र नेपाल सरकारमा दर्ता भएका स्टार्टअपहरू www.nyefstartupawards.com मा गएर आवेदन दिन सक्ने बताइएको छ।
यो अवार्डले उद्यमशीलतालाई प्रोत्साहन गर्दै नेपालमा नयाँ स्टार्टअपहरूको विकास र वृद्धि गर्न महत्वपूर्ण योगदान पुर्याउँदै आएको छ। मार्गदर्शन, नेटवर्किङ, र सम्भावित लगानी अवसरहरूको माध्यमबाट आफ्नो स्टार्टअप यात्रा सफल बनाउन यो प्रभावकारी अवसर रहेको आयोजकको दावी छ।
प्रकाशित: ८ कार्तिक २०८१, बिहीबार
