क्वालकमद्वारा ओरियोन सीपीयू र ४० प्रतिशत फास्टर जीपीयूको साथ स्न्यापड्रागन ८ एलिट चिप घोषणा

काठमाडौं ।

स्न्यापड्रागन ८ एलिट नवीनतम फ्ल्यागशिप चिपसेटको रूपमा सार्वजनिक भएको छ। साथै यो नयाँ चिप अर्को पुस्ताको एन्ड्रोइड फ्ल्यागशिपहरूलाई पावर दिनका लागि तयार रहेको उल्लेख छ।

स्न्यापड्रागन ल्यापटप चिपहरू जस्तै यो नयाँ ८ एलिट चिपले ४.३२ गीगाहर्जमा क्लक्ड २× प्राइम कोर र ३.५३ गीगाहर्ज सम्म काम गर्ने ६× पर्फमेन्स युनिटहरू समावेश भएको कस्टम एट–कोर स्ट्रक्चर सहितको ओरियन सीपीयू ल्याएको छ। साथै यसलाई उद्योग–अग्रणी २४एमबी एल२ क्यास र ५,३००मेगाहर्ज एलपीडीडीआर५एक्स र्याम समर्थनको साथ पेयर गरिएको छ।

यो नयाँ चिपलाई टीएसएमसीको ३एनएम प्रोसेसमा फ्याब गरिएको छ भने यसले सीपीयू पर्फमेन्समा ४५ प्रतिशत बुस्ट (वृद्धि) को साथै आफ्नो पूर्ववर्ती भन्दा ४४ प्रतिशत सुधारिएको पावर इफिसियन्सीको प्रतिज्ञा गर्दछ।

ग्राफिक्स पक्षमा क्वालकमले आफ्नो सुधारिएको एड्रेनो जीपीयूलाई डेब्यु गर्दैछ जसले सुधारिएको रे–ट्रेसिङ पर्फमेन्सको साथमा पर्फमेन्स र पावर सेभिङ्गसमा ४० प्रतिशत उत्थान ल्याउने जीएसएमएरिनाले उल्लेख गरेको छ।

क्वालकमको नयाँ चिप अनरियल इन्जिन ५.३ र नानाइट भर्चुअलाइज्ड ज्योमेट्रि सिस्टमको लागि समर्थन ल्याउने पहिलो मोबाइल एसओसी पनि भएको थप उल्लेख गरिएको छ।

एआईतर्फ नयाँ हेक्सागन न्यूरल प्रोसेसिङ युनिट (एनपीयू) ले एआई टास्क (कार्य) हरू प्रति वाट सुधारिएको पर्फमेन्सको साथ ४५ प्रतिशत छिटो रन हुने सुनिश्चित गर्दछ।

क्वालकमले मल्टिमोडल जेन एआई सपोर्ट सहितको एआई इन्जिन ल्याइरहेको छ। साथै एसएलएमहरूमा ७० टोकनसम्म रन गर्न क्षमता भएका ठूला र साना मल्टीमोडल मोडेलहरू रहेका छन्।

स्न्यापड्रागन ८ एलिटले नयाँ हेक्सागन एनपीयूसँग थप गहिरो रूपमा एकीकृत भएको एउटा परिष्कृत ईमेज सिग्नल प्रोसेसिङ (आईएसपी) पनि फिचर गर्दछ।

साथै यसमा सुधारिएको एचडीआर, थप प्राकृतिक देखिने छालाको टोन, आकाशका रङ्गहरू र सुधारिएको अटोफोकस पर्फमेन्स प्राप्त गरिने उल्लेख छ। त्यसैगरी क्वालकमले चिप–लेभलको फोटो र भिडियो सिमान्टिक सेग्मेन्टेसन र भिडियो अब्जेक्ट इरेजर फङ्गसनालिटी पनि थप गरेको छ।

कनेक्टिभिटीतर्फ, स्न्यापड्रागन ८ एलिटमा स्न्यापड्रागन एक्स८० फाइभजी मोडेम फिचर गरिएको छ जुन ६× डाउनलिङ्क क्यारियर एग्रीगेसन र एआई–आधारित एमएमवेभ दायरा विस्तार भएको पहिलो फाइभजी मोडेम हो।

साथै क्वालकमले पिक डाउनलोड १० जीबीपीएसमा रेट गरिएको र ३.५ जीबीपीएसको थ्योरिटिकल म्याक्स (सैद्धान्तिक अधिकतम) अपलोड गरेको दावी गरेको छ।

नयाँ मोडेमलाई फास्टकनेक्ट ७९०० मोबाइल कनेक्टिभिटी सिस्टमसँग संयोजन गरिएको छ जुन वाई–फाई ७, ब्लुटुथ ५.४ र अल्ट्रा वाइडब्यान्ड कनेक्टिभिटीलाई सिङ्गल ६एनएम चिपमा कम्बाइन (समावेश) गर्ने पहिलो मोडेम हो।

स्न्यापड्रागन ८ एलि ले असुस, अनर, आईक्यूओओ, वानप्लस, ओप्पो, रियलमी, सामसङ, भिभो, शाओमी र अन्य एन्ड्रोइड फ्ल्यागशिप स्मार्टफोनहरूको आगामी उत्पादनलाई शक्ति दिन सेट गरिएको छ।