न्यू शेफर्ड अन्तरिक्ष यान प्रक्षेपण गर्ने तयारीमा ब्लू ओरिजिन

काठमाडौं ।

ब्लू ओरिजिनले नयाँ यानको प्रक्षेपण गर्ने तयारी गर्दैछ, जसको नाम एनएस-२७ छ। यो मिशनले न्यू शेफर्ड रकेट-क्याप्सुललाई उपकक्षीय उडानमा पठाउनेछ।

यो प्रक्षेपण अक्टोबर ७ सोमबार बिहान ९:०० बजे (दिउँसो १ बजे जीएमटी; स्थानीय टेक्सास समय ८ बजे) कम्पनीको वेस्ट टेक्सास स्थलबाट हुने स्पेस डटकमले उल्लेख गरेको छ।

यो उडान यो विशेष यानको पहिलो उडान हुनेछ जसमा पहिलो चरणलाई बूस्टर ५ भनिन्छ र क्रू क्याप्सुल आरएसएस कार्मान लाइन भनेर चिनिन्छ।

कार्मान लाइन सामान्यतया ६२ माइल माथि पृथ्वीको सिमाना मानिन्छ। ब्लू ओरिजिनका  अनुसार नयाँ यानमा प्रदर्शन र पुन: प्रयोग सुधार गर्नका लागि प्राविधिक सुधारहरू गरिएको छ।

यो प्रक्षेपणको प्रत्यक्ष कवरेज बिहान ८:४५ बजे ईडीटी (१२:४५ जीएमटी)मा ब्लू ओरिजिनको वेबसाइटमा वा स्पेस डट कममा हेर्न सकिने स्पेस डटकमले उल्लेख गरेको छ।

एनएस-२७ मा मानिसहरू जाने छैनन् तर यो मिशनमा १२ वटा अनुसन्धानका सामानहरू हुनेछन्, जसमा पाँचवटा बूस्टरमा र सातवटा क्याप्सुलको भित्र हुनेछन्।

यी सामग्रीमा नयाँ नेभिगेशन प्रणालीहरू समावेश छन् जुन न्यू शेफर्ड र ब्लू ओरिजिनको विशाल न्यू ग्लेन रकेटका लागि विकास गरिएका हुन्। यसबाहेक चन्द्रमाको वातावरणमा सञ्चालन गर्नका लागि डिजाइन गरिएका दुई लाइडार (लाइट डिटेक्शन एण्ड रेञ्जिङ) सेन्सरहरू पनि समावेश छन्।

यसको नामबाटै थाहा हुन्छ कि यो एनएस-२७ न्यू शेपर्डको कुल २७औं मिशन हुनेछ। यो यानले हालसम्म २६ वटा उडान गरेको छ, जसमा आठ वटा उडान मानवयुक्त थिए, जसले एक पटकमा ६ जना मानिसलाई छोटो यात्रा गर्न पठाएको थियो।

त्यो आठवटा मानवयुक्त उडानहरू सबैले एउटै न्यू शेफर्ड यान प्रयोग गरेका थिए। यो दोस्रो मानव-रेट गरिएको यानले “विस्तारित उडान क्षमता प्रदान गर्नेछ जसले बढ्दो ग्राहकको मागलाई राम्रोसँग पूरा गर्न मद्दत गर्नेछ,” कम्पनीले आजको बयानमा लेखेको छ।