Technology Khabar १६ भाद्र २०८१, आईतवार
काठमाडौं ।
क्यालिफोर्नियाकी स्कार्लेट गोडार्ड स्ट्राहनलाई पाँचौं कक्षामा पढ्ने बेलादेखि नै पछि गएर चाउरी परिने डर लाग्न थाल्यो। १० वर्षको उमेरमा पुगेपछि, स्कार्लेट र उनका साथीहरू घण्टौंसम्म टिकटक र युट्युबमा विभिन्न इन्फ्लुएनसरहरुले सौन्दर्य संसाधनबारे गरेको प्रचार सामग्री हेर्दै बस्ने गर्न थालेर
ती विज्ञापनहरुमा शीतल, चम्किलो, र निर्दोष छाला बनाउन सकिने भनिएको थियो। स्कार्लेटले तीमध्ये अनुहार सफा गर्ने क्रीम, स्प्रे, हाइड्रेटिङ मास्क र मोइस्चराइजरसहितको जटिल छाला स्याहार गर्ने रुटिन बनाउन थालिन्।
अन्तर्राष्ट्रिय समाचार संस्था एपीन्युजका अनुसार एक रात स्कार्लेटको छालामा धेरै जलन भयो र फोकाहरु देखा परे। वयस्कहरूको लागि बनाइएको कडा उत्पादनहरूको अत्यधिक प्रयोगले उनको छालामा समस्या गरायो। केही महिनापछि पनि स्कार्लेटको अनुहारमा स-साना दागहरू देखिन थाले। उनको गालाहरू अहिले पनि घाममा रातो हुन्छन्।
“म चाउरी परेर बूढो देखिन चाहन्नथेँ,” ११ वर्ष पुगेकी स्कार्लेटले भन्छिन्। “मेरो जीवन यसरी प्रभावित हुनेछ भन्ने थाहा पनएको भए मैले यी कुरा आफ्नो अनुहारमा कहिल्यै प्रयोग गर्दिन थिएँ।”
विशेषज्ञहरूका अनुसार, स्कार्लेटको अनुभव अहिले सामान्य बन्दै गएको छ। देशभरका कम उमेरका केटीहरू सौन्दर्य पसलहरूमा महँगा छाला स्याहार गर्ने उत्पादनहरू किन्न भीड गरिरहेका छन्, जुन #SephoraKids जस्ता भाइरल भिडियोहरूमा देख्न सकिन्छ।
८ वर्षका केटीहरू पनि छालामा रासायनिक जलन, एलर्जी र दागहरू लिएर छाला रोग विशेषज्ञहरूकोमा पुगिरहेका छन्, जुन उत्पादनहरू बच्चाहरूको संवेदनशील छालाका लागि बनाइएका होइनन्।
“जब बच्चाहरूले छालाको बुढ्यौली रोक्ने उत्पादनहरू प्रयोग गर्छन्, तिनीहरूले वास्तवमा छालामा अझ छिट्टै बुढ्यौली ल्याउन सक्छन् र स्थायी दाग उत्पन्न गर्न सक्छन्,” स्कट्सडेल, एरिजोनाकी छाला रोग विशेषज्ञ डा. ब्रुक जेफी भन्छिन्। जेफी सामाजिक सञ्जालमा आफ्ना भिडियोहरू पोष्ट गरेर इन्फ्लुएन्सरहरूको सल्लाहको विरोध गर्ने गर्छिन्।
शारीरिक क्षतिभन्दा पनि अभिभावकहरू र बाल मनोवैज्ञानिकहरू केटीहरूको मानसिक स्वास्थ्यमा यो प्रवृत्तिको प्रभावको बारेमा चिन्तित छन् – यो प्रभाव वर्षौँसम्म रहन सक्छ।
धेरै तथ्याङ्कले अनुहारको ध्यानमा धेरै समय खर्च गर्दा आत्म-सम्मान र शरीरको छविमा समस्या आउन सक्ने, चिन्ता, डिप्रेसन, र खानपान सम्बन्धी विकारहरू बढ्न सक्ने चेतावनी दिएका छन्।
यो छाला स्याहारको मोहले देखाउँछ कि सामाजिक सञ्जालले आजका युवाहरूको जीवनमा कस्तो भूमिका खेल्छ भन्जे देखाइरहेको छ।
एपीन्युजका केटीहरू अत्यधिक उदासी र निराशा अनुभव गरिरहेका छन्। सामाजिक सञ्जालको सम्पर्कले मानसिक स्वास्थ्य समस्याहरू निम्त्याएको हो कि यससँग मात्र सम्बन्धित छ भन्ने बहसको विषय हो। तर ठूला किशोर र युवा वयस्कहरूको लागि सामाजिक सञ्जालमा लामो समय बिताउनु उनीहरूका लागि नराम्रो भएको छ भन्ने कुरा स्पष्ट भएको छ।
प्रकाशित: १६ भाद्र २०८१, आईतवार
