युट्युब ‘स्लो’ बनाउनु अभिव्यक्ति स्वतन्त्रताको उल्लङ्घन भएको रुसी प्रयोगकर्ताको आरोप

काठमाडौं ।

मस्कोले स्वतन्त्र रूसी-भाषाको मिडियालाई दबाएपछि विपक्षीलाई आफ्नो विचार राख्ने प्लेटफर्म दिने अनलाइन अभिव्यक्तिको स्वतन्त्रताको एउटा सुरक्षित स्थान बनेको युट्युबको अवस्था हाल संकटपूर्ण बनेको छ।

रूसी इन्टरनेट निगरानी सेवाहरूले बिहीबार अल्फाबेटको गुगलद्वारा सञ्चालित अनलाइन भिडियो स्ट्रिमिङ सेवा गुगलको व्यापक अवरोध आएको रिपोर्ट गरे। यसलाई हालैका हप्ताहरूमा युट्युबमा आइरहेको सुस्तताको नयाँ लहरको सुरुवात मान्न सकिन्छ।

जुलाईको मध्यदेखि सुरु भएको यो सुस्तताको लागि रूसी सांसदहरूले २०२२ मा युक्रेनको आक्रमण पछि गुगलले रुसमा आफ्नो उपकरणहरू अपडेट गर्न नसकेको दोष दिएका छन्। कम्पनी र प्रविधि विज्ञहरूले भने यो दावीलाई अस्वीकार गरेका छन्। यसबारेमा रूसको राज्य सञ्चार नियामक रोस्कोमनाड्जोरले तुरुन्तै कुनै टिप्पणी गर्न अस्वीकार गरेको  रोयटर्सले जनाएको छ ।

स्वतन्त्र रूसी-भाषा मिडिया प्रतिबन्धित भएकोले युट्युब विपक्षी विचारहरूको प्रमुख स्रोत हो। विपक्षी नेता एलेक्सी नाभाल्नीले राष्ट्रपति भ्लादिमिर पुटिनलाई विलासी महलको मालिक भएको आरोप लगाउँदै बनाएको एउटा भिडियो (जसलाई पुटिनले अस्वीकार गरेका छन्) १३२ मिलियन भन्दा बढी पटक हेरिएको छ।

मिडियास्कोपका अनुसार हरेक दिन ५० मिलियनभन्दा बढी रूसीहरूद्वारा प्रयोग गरिने युट्युबलाई ब्लक गर्दा ‘अनलाइन अभिव्यक्तिको स्वतन्त्रतामा नकारात्मक असर पर्न सक्छ, रुसको इन्टरनेट कनेक्टिभिटीमा खतरा पुर्याउन सक्छ र हजारौं सामग्री स्रष्टाहरूको जीविकोपार्जनलाई खतरा पुर्याउन सक्छ’, चार जना विशेषज्ञ, अनुसन्धानकर्ता, र ब्लगरहरूले रोयटर्सलाई भने।