सफ्टवेरिका कलेजमा एआई, रोबोट र साइबर सुरक्षासम्बन्धी प्रदर्शनी ‘टेक एक्स’ जारी

काठमाडौं ।

डिल्लीबजारस्थित सफ्टवेरिका कलेज अफ आईटी एण्ड इकमर्शमा जारी ‘टेक एक्स २०२४’ मा विद्यार्थी, कर्पोरेट क्षेत्र र सर्वसाधारणको सहभागिता उल्लेख रहेको छ ।

आर्टिफिसियल इन्टेलिजेन्स ९एआई०, रोबर्ट र साइबर सुरक्षासम्बन्धी परियोजनाहरुको प्रदर्शनीमा विभिन्न क्षेत्रका व्यक्तिहरुको सहभागिता बढेको हो।

प्रदर्शनीमा स्वचालित एआइ गन, रोबोटिक डग, लाइब्रेरी तथा एयरपोर्ट म्यानेजमेन्टका लागि लक्षित गरी निर्माण गरिएका असिस्टेन्ट एआई रोबोट र गोदाम व्यवस्थापनको अर्धस्वचालित प्रविधि, एआइ रोबोटिक शिक्षकको अवलोकन गर्न पाइन्छ ।

विद्यार्थीहरुले पासवर्ड क्र्याकिङको विश्लेषण गर्ने रोबोट पनि प्रदर्शनीमा राखेका छन् । प्रदर्शनीमा बैंकिङ, टुर गाइड, फूटबल, एआई असिस्टेन्ट फर आई हस्पिटल, रोबोटिक वेटर, रोबोट वारलगायतका ३० भन्दा बढी परियोजना रहेका छन् ।

डिल्लीबजारस्थित सफ्टवेरिका कलेज अफ आईटी एण्ड इकमर्शको आयोजनामा कलेज परिसरमा आयोजित मेलामा कलेजमा स्नातक तह दोश्रो र तेस्रो वर्षमा अध्ययनरत सूचना प्रविधिका विद्यार्थीले निर्माण गरेका उत्पादन प्रदर्शन गरिएको कलेजका निर्देशक अमृत थापाले जानकारी दिए ।

साउन १५ गते देखि सुरु भएको यो प्रदर्शनी २० गतेसम्म सञ्चालन हुने र प्रविधिमा रुचि राख्ने जो कोहीले बिहान १० बजेदेखि साँझ ५ बजेसम्म निःशुल्क अवलोकन गर्न सक्ने कलेजले जनाएको छ ।