मेटल डिजाइन र फोर ओएस अपडेटहरूको साथ वानप्लस नोर्ड ४ विश्वव्यापी लन्च

काठमाडौं ।

वानप्लसले मगंलबार आयोजित आफ्नो ग्रीष्मकालीन कार्यक्रममा नयाँ ट्याब्लेट, स्मार्टफोन, स्मार्टवाच, र टीडब्ल्यूएस इयरफोन अनावरण गरेको छ। वानप्लस नोर्ड ४ गत वर्षको नोर्ड ३ को उत्तराधिकारीको रूपमा आएको हो।

वानप्लस नोर्ड ४ ले आफ्नो पूर्ववर्तीहरूको तुलनामा महत्त्वपूर्ण अपग्रेडहरू ल्याएको छ। ब्रान्डले नयाँ वानप्लस नोर्ड ४ मा मेटल डिजाइन फिर्ता ल्याएको जनाइएको छ। त्यसैगरी यो स्मार्टफोन लामो सफ्टवेयर समर्थन नीतिको साथ आउने उल्लेख गरिएको छ।

वानप्लस नोर्ड ४ को स्पेसिफिकेसन

नोर्ड ४ सिरिजका अन्य डिभाइसहरूको तुलनामा वानप्लस नोर्ड ४ को डिजाइन फरक रहेको छ। वानप्लस नोर्ड ४ फ्ल्याट फ्रेमको साथमा मेटल युनिबडी रहेको छ। ब्रान्डले यस नयाँ स्मार्टफोनलाई ०.८ सेन्टिमिटर मापनको साथ सबैभन्दा पातलो नर्डको रूपमा दाबी गरेको छ। साथै स्मार्टफोनको बायाँ किनारामा आइकोनिक अलर्ट स्लाइडर पनि रहेको छ भने ब्याक (पछाडिको) प्यानलमा हरिजोन्टल रूपमा राखिएको क्यामरा सेन्सरहरू छन्।

वानप्लस नोर्ड ४ मा १.५के रिजोल्युसन र २,१५० निट्स पिक ब्राइटनेस भएको १२० हर्ज फ्ल्याट एएमओएलईडी डिस्प्ले समावेश गरिएको छ। साथै सेन्ट्रल–एलाइन्ड (मध्य–पङ्क्तिबद्ध) पंच–होल कटआउटको साथ ६.५ इन्च स्क्रिनमा धेरै पातलो बेजेलहरू रहेका छन्। यसको स्क्रिनमा भिजेको हातले प्रयोग गर्न सकिने गरी एक्वा टच प्रविधि फिचर गरिएको उल्लेख छ।

वानप्लस नोर्ड ४ को डुअल रियर क्यामरा सेटअपमा ओआईएस सँग ५० मेगापिक्सेलको सोनी एलवाईटी ६०० मुख्य सेन्सर र ८ मेगापिक्सेलको अल्ट्रा–वाइड–एंगल लेन्स समावेश गरिएको छ। साथै यसमा १६ मेगापिक्सेलको फ्रन्ट फेसिङ्ग सेल्फी स्न्यापर रहेको छ।

वानप्लस नोर्ड एक स्न्यापड्रागन ७ प्लस जेन ३ प्रोसेसरद्वारा संचालित छ। साथै यसमा १६ जीबी र्याम र ५१२ जीबी स्टोरेज प्याक गरिएको छ। यो डिभाइस उच्च घनत्व ग्रेफाइट सिट, स्टील भेपोर च्याम्बर र माइक्रोन–लेबल कपर फोयल समावेश रहेको एक रोबस्ट हिट डिसिपेसन सिस्टमसँग इक्विप्ड (सुसज्जित) रहेको छ। यसबाहेक, नोर्ड ४ को तापक्रम नियन्त्रण क्षमता यसको पछाडि कभरले नभएर आल्मुनियम अलोए म्याटेरियलले सुनिश्चित गर्ने उल्लेख छ। स्मार्टफोनमा ५,५०० एमएएच ब्याट्री समावेश गरिएको र उक्त सेलले १०० वाट चार्जिङको लागि समर्थन गर्ने जनाइएको छ। साथै यो १,६०० चार्जिङ चक्र सम्म चल्नेछ।

सफ्टवेयरको तर्फ, वानप्लस नोर्ड ४ एन्ड्रोइड १४ मा एआई इरेजर, एआई क्लियर फेस र एआई बेस्ट फेस जस्ता सुविधाहरूको साथ चल्ने उल्लेख गरिएको छ। त्यसैगरी यो डिभाइस ६ वर्षको सफ्टवेयर समर्थनको लागि योग्य रहेको र जसमा ४ ओएस अद्यावधिकहरूका साथै थप २ वर्षको सुरक्षा प्याचहरू भएको जनाइएको छ।

वानप्लस नोर्ड ४, युरोप र बेलायतको बजारमा, १२+२५६ जीबी र १६+५१२ जीबीको मूल्य क्रमशः ४९९ यूरो/४२९ पाउन्ड स्टर्लिंग र ५९९ यूरो/५२९ पाउन्ड स्टर्लिंग रहेको उल्लेख छ।

यो स्मार्टफोन मर्कुरियल सिल्भर, ओब्सिडियन ब्ल्याक र ओएसिस ग्रीन रङ्गहरुमा उपलब्ध हुने गीज्मोचाइनाले उल्लेख गरेको छ।