काठमाडौं ।
चीनको विद्युतीय सूचना उत्पादन क्षेत्रले सन् २०२४ को पहिलो पाँच महिनामा उत्पादन, संयुक्त राजस्व र नाफामा ठोस वृद्धि गरेको उद्योग तथा सूचना प्रविधि मन्त्रालयको तथ्याङ्कले देखाएको छ।
सोही अवधिमा यस क्षेत्रका प्रमुख कम्पनीहरूको मूल्य अभिवृद्धि औद्योगिक उत्पादन वार्षिक आधारमा हेर्दा सो अवधिमा १३.८ प्रतिशतले बढेको तथ्यांकले देखाएको समाचार एजेन्सी सिन्ह्वाले रिपोर्ट गरेको छ।
यस क्षेत्रका प्रमुख फर्महरूको संयुक्त परिचालन राजस्व वर्षको आधारमा ८.५ प्रतिशतले बढेर ५.९५ ट्रिलियन युआन (लगभग ८३४.८८ अर्ब अमेरिकी डलर) पुगेको छ र यी कम्पनीहरूको संयुक्त नाफा ५६.८ प्रतिशतले बढेर १९४.६ बिलियन युआन पुगेको छ।
सोही अवधिमा यस क्षेत्रमा स्थिर सम्पत्ति लगानी वर्षेनी १४.८ प्रतिशतले बढेको तथ्यांकले देखाएको छ।
रिपोर्टअनुसार, यस क्षेत्रका प्रमुख कम्पनीहरू कम्तीमा २० मिलियन युआनको मुख्य वार्षिक व्यापार राजस्व भएका कम्पनीहरू हुन्।
प्रकाशित: २२ असार २०८१, शनिबार
