विद्युतीय चुलो वितरण

काठमाडौं ।

कालीगण्डकी गाउँपालिकामा छ सय विद्युतीय चुलो वितरण गरिएको छ।

वैकल्पिक ऊर्जा प्रवर्धन केन्द्रको ७० प्रतिशत सहयोगमा गाउँपालिकाले चुलो वितरण गरेको पालिकाका प्रशासकीय अधिकृत नरेश गिरीले जानकारी दिए।

एलपी (खाना पकाउने) ग्यासभन्दा विद्युतीय चुलो सस्तो पर्ने भएकाले ३० प्रतिशत उपभोक्ताको लगानीमा चुलो वितरण गरिएको हो । पालिकाभित्रका सात वटै वडामार्फत चुलो वितरण गर्ने कार्य भइरहेको उनको भनाइ छ ।

चुलो लिँदा उपभोक्ताले ३० प्रतिशत अर्थात् एक हजार १०८ रुपियाँ भुक्तान गर्नुपर्ने हुन्छ।

चुलो लिनका लागि इच्छुकले नागरिकताको प्रतिलिपिसहित स्वयं उपस्थित हुनुपर्ने कालीगण्डकी गाउँपालिका–१ का सामाजिक परिचालक मनिका बस्यालले बताए। उनका अनुसार वडाबाट चुलो वितरण गर्ने कार्य जारी छ।

विद्युतीय चुलोको प्रयोगमा खाना पकाउने ग्यासभन्दा सस्तो पर्ने, समयको पनि बचत हुने उपभोक्ता विष्णु पाण्डेले बताए। गोरखापत्रबाट