इलन मस्कले सांघाईमा आयोजना भईरहेको विश्व एआई सम्मेलनलाई सम्बोधन गर्ने

काठमाडौं ।

सन् २०२४ को जुलाई ४ देखि जुलाई ७ सम्म सांघाईमा वर्ल्ड आर्टिफिसियल इन्टेलिजेन्स कन्फेरेन्स (डब्ल्यूएआईसी) आयोजना भईरहेको छ। यस वर्षको विषयवस्तु “गभर्निङ एआई फर गुड एन्ड फर अल” रहेको छ।

टेस्लाका सीईओ इलन मस्कको उपस्थिति उक्त सम्मेलनको सबैभन्दा प्रमुख आकर्षणहरू मध्ये एक हुने उल्लेख गरिएको छ। मस्कले उद्घाटन समारोहमा भाषण दिने अपेक्षा गरिएको भएतापनि उनी व्यक्तिगत रूपमा वा भिडियो मार्फत उपस्थित हुनेछन् भन्ने बारेमा स्पष्ट छैन्।

यसअघि, मस्कले सन् २०१९ मा व्यक्तिगत उपस्थिति जनाएका थिए भने सन् २०२१ र सन् २०२२ मा भिडियो सन्देशहरूसहित डब्ल्यूएआईसीमा भाग लिएका थिए।

मस्कले सन् २०२४ को अप्रिलमा चीन भ्रमण गरेका थिए र उनले बेइजिङमा चिनियाँ प्रधानमन्त्री ली छ्याङसँग पनि भेट गरेका थिए। यसले गर्दा अहिलेको सम्मेलनमा उनको संलग्नतालाई थप महत्त्व दिएको उल्लेख छ। उक्त भ्रमणका क्रममा उनीहरूले टेस्लाको फुल सेल्फ–ड्राइभिङ (एफएसडी) सफ्टवेयर र डाटा ट्रान्सफर अनुमतिहरू बारे छलफल गरेको जनाइएको छ। उद्घाटन समारोहमा चिनियाँ प्रधानमन्त्री ली छ्याङले डब्ल्यूएआईसीमा भाषण दिएका छन्।

सम्मेलनमा टेस्लाले आफ्नो नवीन प्रडक्ट (उत्पादन) हरू प्रदर्शन गर्दै बलियो उपस्थिति रहने जनाएको छ। टेस्लाको ह्युमनोइड रोबोट, अप्टिमस जेन २ को नवीनतम पुस्ताको साथ साइबरट्रक प्रदर्शन गरिने बताईएको छ।

टेस्लाको यस उन्नत रोबोटमा इन–हाउस डिजाइन गरिएको एक्चुएटर र सेन्सर, २–डीओ एफ एक्च्युटेड नेक र आफ्नो पूर्ववर्ती तुलनामा ३० प्रतिशत छिटो हिड्ने गति रहेको छ। साथै दुई ओप्टिमस रोबोटहरूले टेस्लाका कारखानाहरूमा पहिले नै स्वायत्त रूपमा कार्यहरू गरिरहेको छ।

डब्ल्यूएआईसीले शीर्ष वैज्ञानिकहरू, उद्योगका नेताहरू र सरकारी अधिकारीहरूलाई एआई प्रगतिहरू, रोबोटिक्स, स्वायत्त प्रणालीहरू, ठूला मोडेलहरू, कम्प्युटिङ पावर, र “एआई प्लस” एप्लिकेसनहरू छलफल गर्न एकसाथ ल्याउने बताईएको छ।

सन् २०२३ को सम्मेलनमा, मस्कले एआईमा चीनको द्रुत प्रगतिको प्रशंसा गरेका थिए भने एआई र स्वायत्त ड्राइभिङ टेक्नोलोजीहरूको परिवर्तनकारी सम्भावनालाई हाइलाइट पनि गरेका गीज्मोचाइनाले उल्लेख गरेको छ।