युट्युब प्रिमियममा जम्प अहेड बटन, पीआईपी र सर्ट्सका लागि स्मार्ट डाउनलोड्स उपलब्ध

काठमाडौं ।

युट्युबले आफ्ना प्रिमियम सदस्यहरूका लागि केही नयाँ फिचर्सहरूको घोषणा गरेको छ। नयाँ फिचर्सहरू हाल अमेरिकाका एन्ड्रोइड प्रयोगकर्ताहरूका लागि उपलब्ध छन् भने आगामी हप्ताहरूमा आईओएसमा पनि विस्तार गरिने जनाइएको छ।

यस नयाँ फिचर्सहरूमा एउटा नयाँ जम्प अहेड बटन समावेश छ र जसले स्वचालित रूपमा तपाईंले हेरिरहनु भएको भिडियोको सबैभन्दा रोचक भागमा जान सहयोग गर्नेछ। साथै यसमा एआई र भ्यूअर्स डाटा समावेश गरिएको र भिडियोमा डबल–ट्याप गर्दा यो देखा पर्ने उल्लेख छ।

त्यसैगरी युट्युब सर्ट्सले पनि पिक्चर–इन–पिक्चर (पीआईपी) मोड प्राप्त गर्ने भएको छ, जसले कन्टेन्ट हेर्दै तपाईंलाई मल्टिटास्किङ गर्न अनुमति दिनेछ।

यसबाहेक, युट्युबले आफ्नो लेटेस्ट एक्सपेरिमेन्टल फिचर (नवीनतम प्रयोगात्मक सुविधा) हरू पनि साझा गरेको छ, जुन एक्सपेरिमेन्टल फिचर पेजमा गएर एक्सेस गर्न सकिने उल्लेख गरिएको छ।

साथै यसमा यूट्यूब सर्ट्स र कन्भर्सेसनल एआईको लागि स्मार्ट डाउनलोडहरू समावेश छन्, जसले भिडियोलाई अवरोध नगरी प्रम्प्टहरू मार्फत प्रश्नहरूको जवाफ दिने र सम्बन्धित कन्टेन्ट (सामग्री) को सुझाव दिने जनाइएको छ। कन्भर्सेसनल एआई सेलेक्ट भिडियोहरू अन्तर्गत “आस्क” बटन मार्फत पहुँचयोग्य रहेको उल्लेख छ।

पुनः डिजाइन गरिएको वाच पेज भने अहिलेको लागि एक्सक्लुसिभ रुपमा वेब प्रयोगकर्ताहरूको लागि मात्र उपलब्ध रहेको छ। साथै सम्बन्धित कन्टेन्ट (सामग्री) फेला पार्न र कमेन्टस (टिप्पणीहरू) मा संलग्न हुनका लागि नयाँ र सुधारिएको तरिका अफर (प्रदान) गर्ने यूट्यूबले बताएको छ।