गुगलले भुक्तान नगरेको एक अर्ब युरो कर तिर्नुपर्ने इटाली सरकारको दाबी

काठमाडौं ।

अमेरिकी टेक कम्पनीले ल्याण्डमार्क ट्याक्स डिस्प्यूट (कर विवाद समाधान) गरेको सात वर्षपछि गुगलले भुक्तान नगरेको कर र जरिवानाको रुपमा इटालीले गुगलसँग १ अर्ब युरो (१.०७ अर्ब डलर) तिर्न माग गरिरहेको तीन स्रोतलाई उदृत गर्दै रोयटर्सले रिपोर्ट गरेको छ।

उता गुगलका प्रवक्ताले इटाली लगायत सेवा सञ्चालन गर्ने सबै देशहरूमा कर नियमहरूको पालना गर्ने बताएका छन्।

इटालीको राजस्व एजेन्सीले गुगलसँग कानूनी कार्यवाहीको प्रक्रिया सुरु गरेको छ जुन सम्झौता वा न्यायिक मुद्दा दायरका साथ सकिने रिपोर्टमा जनाइएको छ।

यसमा, सन् २०२२ को डिसेम्बरमा अनुसन्धान सुरु गरिएको थियो भने दावीहरू सन् २०१८ देखि सन् २०२२ सम्म समेटिएको थियो।

अघिल्लो अनुसन्धानमा जस्तै, मिलानका अभियोजकहरूको नेतृत्वमा भएको अनुसन्धानले गुगलले इटालीमा उत्पन्न राजस्वमा फाइल र कर तिरेको छैन भन्ने आरोप लगाएको छ, तर यस पटक आरोपको आधार भने फरक रहेको स्रोतहरूले बताएका भनिएको छ।

त्यहाँ कार्यरत कर्मचारीहरूको आधारमा इटालीमा स्थायी स्थापना भएको मानिएको हुनाले सन् २०१७ मा गुगलले ३०६ मिलियन यूरो तिरेको थियो।