अनरले प्रस्तुत गर्यो एआई आधारित डिफोकस आई प्रोटेक्शन र डीपफेक डिटेक्शन प्रविधि

काठमाडौं ।

चीनको सांघाईमा चलिरहेको मोबाइल वर्ल्ड कंग्रेस (एमडब्ल्यूसी) मा, टेक्नोलोजी ब्रान्ड अनरले एआई डिफोकस आई प्रोटेक्शन र एआई डिपफेक डिटेक्शन गरी दुई ओटा नयाँ अन डिभाइस एआईमा आधारित आविष्कारहरू प्रस्तुत गरेको छ।

अनरले लामो समयसम्म स्क्रिनको प्रयोगले गर्दा हुने मायोपिया (नियरसाइटेडनेस) मा भएको वृद्धिलाई मध्यनजर गर्दै एआई डिफोकस आई प्रोटेक्शन टेकको अनावरण गरेको हो।

यो प्रविधिले स्मार्ट डिभाइसको डिस्प्लेमा डिफोकस ग्लासेस (चश्मा) को अनुकरण गर्न एआई प्रयोग गर्दछ। साथै यी ग्लासेस (चश्माहरू) ले क्लियर सेन्ट्रल भिजन कायम राख्नलाई मद्दत गर्नको लागि प्रयोगकर्ताको पेरिफेरल भिजुअल फिल्डमा कन्ट्रोल्ड (नियन्त्रित) डिफोकसलाई प्रेरित गर्ने उल्लेख छ।

यसले अल्टर्ड भिजुअल पर्सेप्सन (परिवर्तन गरिएको दृश्य धारणा) सिर्जना गर्दछ जसले आँखाको इलङ्गेसन प्रोसेस (लम्बाइ प्रक्रिया) लाई सुस्त बनाउँछ र नियरसाइटेडनेसर्फ लिड गर्ने जनाइएको छ।

अनरले आफ्नो एआई डिफोकस आई प्रोटेक्शन टेकले २५ मिनेट पढेपछि प्रयोगकर्ताको क्षणिक मायोपियालाई औसतमा १३ प्रतिशतले घटाएको दाबी गरेको छ भने केही प्रयोगकर्ताहरूले ७५ प्रतिशतको अधिकतम कमीको अनुभव पनि गरेका बताएको छ।

एआई डीपफेक डिटेक्शन बारे कुरा गर्दै, अनरले यो प्रविधिले फ्रड (धोखाधडी) रोक्न र डिजिटल रूपमा हेरफेर गरिएको कन्टेन्ट (सामग्री) डिटेक्ट (पत्ता) लगाउन मद्दत गर्नेसमेत बताएको छ। यो आई कन्ट्याक्ट (आँखाको सम्पर्क), ईमेज क्लियारिटी (छवि स्पष्टता), लाईटिङ (प्रकाश) र भिडियो प्लेब्याक जस्ता फ्रेम–बाइ–फ्रेम जेनेरेटेड (उत्पन्न) सामग्री परीक्षण गरेर मानव आँखाले देख्न नसकिने त्रुटिहरू पहिचान गर्न सकिने थप उल्लेख गरिएको छ।

त्यसैगरी अनरले आफ्नो एआई डीपफेक डिटेक्शन टेक (प्रविधि) लाई अनलाइन स्क्यामहरूसँग सम्बन्धित ईमेजहरू र भिडियोहरूको ठूलो डाटासेट मार्फत तालिम दिइएको र यसले एआईलाई तीन सेकेन्ड भित्र आईडेन्टिफिकेसन (पहिचान), स्क्रिनिङ र कम्पेरिजन (तुलना) गर्न अनुमति दिने दाबी गरेको छ।

त्यसैगरी एआई डीपफेक डिटेक्शनले हेरफेर गरिएको कन्टेन्ट (सामग्री) पत्ता लगाएको खण्डमा, प्रयोगकर्तालाई सम्भावित स्क्यामर कोसँग संलग्न हुन जारी राख्नबाट रोक्नको लागि तुरुन्तै जोखिम चेतावनी पप अप हुने जीएसएमएरिनाले उल्लेख गरेको छ।