मेटा एआई भारतमा रोल आउट गरिने, मेटाका सबै एप्लिकेसनहरुमा उपलब्ध हुने

काठमाडौं ।

मेटा एआई अब भारतमा रोल आउट गरिने भएको छ। एक दर्जन भन्दा बढी देशहरूमा पहिले नै लोकप्रिय रहेको एआई असिस्टेन्ट निःशुल्क उपलब्ध हुनुका साथै ह्वाट्सएप, फेसबुक, मेसेन्जर, इन्स्टाग्राम र मेटाएडटआईडट लगायत विभिन्न प्लेटफर्महरूमा सहज रूपमा इन्टिग्रेट (एकीकृत) हुने उल्लेख गरिएको छ।

मेटा एआई प्रयोगकर्ताहरूलाई दैनिक गतिविधिहरू प्रबन्धनदेखि लिएर रचनात्मकता स्पार्क गर्ने विभिन्न कार्यहरूमा मद्दत गर्न डिजाइन गरिएको मेटाले जनाएको छ।

भारतमा यसको रोलआउटसँगै, प्रयोगकर्ताहरूले अब आफ्ना मनपर्ने एपहरू नछोडिकनै कामहरू गर्न, नयाँ विषयहरू सिक्न, कन्टेन्ट (सामग्री) सिर्जना गर्न र सबैभन्दा महत्त्वपूर्ण कुराहरूसँग कनेक्ट (जडान) गर्न आफ्नो क्षमताहरू प्रयोग गर्न सक्ने बताईएको छ।

ह्वाट्सएप, फेसबुक, मेसेन्जर र इन्स्टाग्राममा मेटा एआईको इन्टिग्रेसन (एकीकरण) ले यसलाई अविश्वसनीय रूपमा बहुमुखी बनाएको उल्लेख छ।

त्यसैगरी विद्यार्थीहरूको लागि, मेटा एआईले परीक्षाको लागि तयारी गर्न मद्दत गर्न सक्ने उल्लेख गरिएको छ। प्रयोगकर्ताहरूले यसलाई आफ्नो अध्ययन सत्रहरूलाई मद्दत गर्न बहु–विकल्प परीक्षण सिर्जना गर्नका लागि सोध्न सक्नेछन्।

मेटा एआईले फेसबुकमा कन्टेन्टसँग अन्तरक्रिया गर्ने प्रयोगकर्ताहरूको तरिकालाई पनि सुधार गर्ने उल्लेख छ। फेसबुकमा आफ्नो फिड स्क्रोल गर्दा, रोचक किसिमका पोस्टहरूको बारेमा थप जानकारीको लागि मेटा एआईलाई सोध्न सकिने जनाइएको छ।

मेटा एआईको स्ट्यान्डआउट विशेषताहरू मध्ये एक भनेको यसको “इम्याजिन” (कल्पना) क्षमता हो, जसले टेक्स्ट–टू–इमेज जेनेरेशनलाई फ्यासिलेट गर्नेन्छ। तपाइँको अन्तरक्रियामा “इम्याजिन” शब्द प्रयोग गरेर, तपाईँले अद्वितीय तस्बिरहरू सिर्जना गर्न र सेयर गर्न सक्नुहुन्छ।

मेटा एआई को ईइन्टेलिजेन्स (बुद्धिमत्ता) र इफिसिएन्सी (दक्षता) मेटा लामा ३ द्वारा संचालित छ, जुन मेटाद्वारा विकसित नवीनतम र सबैभन्दा शक्तिशाली लार्ज ल्याङ्गवेज मोडेल हो।

यस प्रविधिले मेटा एआईलाई पहिलेका पुनरावृत्तिहरू भन्दा स्मार्ट, फास्ट र थप आकर्षक बनाएको उल्लेख छ।

मेटा एआई भारतमा रोल आउट गरिरहँदा, यसले दैनिक कार्यहरूमा सहयोग गरेर, सिकाइलाई बढावा दिँदै र रचनात्मकतालाई अनलिस गरेर प्रयोगकर्ताहरूका लागि डिजिटल अनुभवलाई समृद्ध बनाउने वाचा गर्ने मेटाले दाबी गरेको छ।