केजरीवालको अदालतको भिडियो सामाजिक सञ्जालबाट हटाउन उच्च अदालतको निर्देशन

काठमाडौं ।

दिल्ली उच्च अदालतले शनिबार सुनिता केजरीवाल (दिल्ली मुख्यमन्त्रीकी पत्नी), धेरै व्यक्ति, फेसबुक, युट्युब र अन्य सामाजिक सञ्जाल प्लेटफर्महरूलाई कथित उल्लङ्घनका लागि कारबाही माग गरेको निवेदनमा नोटिस जारी गरेको छ।

दिल्लीका मुख्यमन्त्री अरविन्द केजरीवाललाई मार्च २८ मा पुलिस हिरासतमा दिल्ली राउज एभिन्यू अदालतमा पेश गर्दा अदालतको भिडियो कन्फरेन्सिङ नियम कथित उल्लङ्घनको आरोपमा कारवाही माग गरिएको थियो।

यस सम्बन्धमा उच्च अदालतले सामाजिक सञ्जालर्महरू, अर्थात् एक्स (पहिले ट्विटर), मेटा (पहिले फेसबुक), इन्स्टाग्राम र युट्युबलाई अडियो÷भिडियो रेकर्डिङ तत्काल हटाउन निर्देशन दिएको छ।

न्यायाधीशद्वय नीना वंशल र अमित शर्माको इजलासले जुलाई ९ मा मुद्दाको सुनुवाइ गर्दै भनेको छ, “प्रथम दृष्टिमा अदालतको कार्यवाही रेकर्डिङ दिल्ली उच्च न्यायालय भिडियो कन्फरेन्सिङ्ग नियम, २०२१ र ३ को नियम ३ (छ) को उल्लङ्घन हो।”

सामाजिक सञ्जाल एक्स, मेटा, इन्स्टाग्राम र युट्युब नामक सामाजिक सञ्जाल प्लेटफर्महरूलाई तिनीहरूको सम्बन्धित प्लेटफर्मबाट अडियो/भिडियो रेकर्डिङ तुरुन्तै हटाउन निर्देशन दिइएको छ।

अदालतले वकिल वैभव सिंहले दायर गरेको निवेदनको सुनुवाइ गरिरहेको थियो। निवेदनमा पुलिस हिरासतमा रहेको बेला दिल्लीका मुख्यमन्त्री केजरीवालको मार्च २८ मा राउज एभिन्यू अदालतमा उपस्थित हुँदा अदालतको भिडियो कन्फरेन्सिङ्ग नियमहरूको उल्लङ्घन गरेको आरोप लगाइएको थियो।

याचिकामा केजरीवाल र अन्यले दिल्लीका मुख्यमन्त्रीलाई ट्रायल कोर्टमा पेश गर्दा अवैधरूपमा ट्रायल कोर्टको कार्यवाही रेकर्ड गरेको आरोप लगाइएको छ। रासस/एएनआई