भारतीय अपरेटर भोडाफोन आइडियाले नोकिया र एरिक्सनलाई भारु २४.५८ अर्बको शेयर जारी गर्ने

काठमाडौं ।

भारतीय टेलिकम अपरेटर भोडाफोन आइडियाले नोकिया, एरिक्सनलाई बक्यौता बिलहरू भुक्तानी रकम बराबर शेयर दिने भएको छ।

भारतीय अपरेटर भोडाफोन आइडियाले आफ्ना नेटवर्क उपकरण बिक्रेता नोकिया र एरिक्सनलाई उत्पादन अर्डरको भुक्तानीको सट्टा प्राथमिकता सेयर जारी गर्न स्वीकृति दिएको छ।

सेयरहरूको कुल मूल्य २४.५८ अर्ब भारु (२९४ मिलियन डलर) छ।

इटीटेलिकमको अनुसार, भोडाफोन आइडियाको बोर्डले लगभग १.६ अर्ब इक्विटी शेयर जारी गर्ने योजनालाई अनुमोदन गरेको छ – जसको अंकित मूल्य भारू. १० देखि भारु. १४.८० प्रति शेयर नोकिया सलुसन्स एण्ड नेटवर्क्स इन्डिया प्रालि र एरिक्सन इण्डिया प्रालिलाई दिईनेछ।

नोकिया र एरिक्सनले क्रमशः रु १५.२ अर्ब र रु.९.३८ बिलियन शेयर लिनेछन्, जसले भोडाफोन आइडियामा १.५ प्रतिशत र ०.९ प्रतिशतको शेयर दिने रिपोर्टले भन्यो।

भोडाफोन आइडियाले एक विज्ञप्तिमा यो बिक्रीबाट उठेको नगद आफ्नो योजनाबद्ध फोरजी नेटवर्क विस्तार र ५जी रोलआउटमा लगानी गर्ने बताएको छ।

“नोकिया र एरिक्सन दुबैको नेटवर्क उपकरणको प्रमुख आपूर्तिकर्ताको रूपमा भीआईएलसँग दीर्घकालीन साझेदारी छ, र यो अधिमान्य एलोटमेन्टले भीआईएललाई तिनीहरूको बाँकी बक्यौताको अंश हटाउन सक्षम बनाउनेछ,” कम्पनीले थप्यो।

यो योजना भोडाफोन आइडियाका शेयरधनीहरूले अर्को महिनाको लागि तय भएको साधारण सभामा अनुमोदन गर्न बाँकी छ।