काठमाडौं ।
क्यानडामा चार नयाँ ईभी प्लान्टहरू निर्माण गर्न ११ बिलियन अमेरिकी डलर (१५ बिलियन क्यानेडियन डलर) लगानीको घोषणा गरेपछि होन्डा अन्ततः ईभी दौडमा सामेल हुँदैछ। ऐतिहासिक लगानी क्यानाडाको पहिलो इभी आपूर्ति श्रृंखला निर्माण गर्न प्रयोग गरिने छ, जसले अमेरिका र क्यानडाका लागि वार्षिक रूपमा २ लाख ४० हजार होण्डा इभीहरु बनाउन सक्छ।
नयाँ होन्डा इभी प्लान्ट र एलिस्टन ओन्टारियोमा स्ट्यान्ड-अलोन इभी ब्याट्री कारखानाको योजनाका साग होन्डाले विद्युतीय युगको तयारी गर्दै क्यानाडामा अहिलेसम्मकै ठूलो लगानी गर्ने घोषणा गरेको हो।
एकपटक पूर्ण रूपमा सञ्चालनमा आएपछि, इभी सुविधाले वर्षमा २ लाख ४० हजार इभीहरु उत्पादन गर्न सक्षम हुनेछ, जबकि यसको ब्याट्री प्लान्टको क्षमता प्रति वर्ष ३६ हजार गीगावाट आवर हुनेछ। उत्पादन सन् २०२८ मा सुरु हुने अपेक्षा गरिएको छ।
प्रधानमन्त्रीको कार्यालयबाट जारी प्रेस विज्ञप्ति अनुसार, होन्डाले क्यानडाको पहिलो व्यापक ईभी आपूर्ति श्रृंखला निर्माण गर्नेछ। परियोजनाले ओन्टारियोमा चार नयाँ निर्माण प्लान्टहरू समावेश गर्नेछ।
इभी प्लान्ट र ब्याट्री कारखानाको अतिरिक्त, होन्डाले पोस्को फ्यूचर एम (POSCO Future M) सँगको संयुक्त लगानीमा क्याथोड एक्टिभ मटेरियल र प्रिकसर प्लान्ट निर्माण गर्नेछ। दोस्रो प्लान्ट असाही कासेई कर्पसँगको योजनामा छ।
होन्डाले सन् २०४० सम्म सवारी साधनको बिक्रीको शतप्रतिशत इभीहरु र एफसीईभीहरुलाई योगदान गर्ने लक्ष्य राखेको छ।
यसका साथै होन्डाले अमेरिका स्थित ओहायोका तीनवटा प्लान्टलाई भविष्यमा इभी र इभी ब्याट्री उत्पादनको हबको रूपमा सेवा दिन ७०० मिलियन डलर लगानी गरेको छ।
प्रकाशित: १८ बैशाख २०८१, मंगलवार
