चीनमा सरकारी कम्प्युटरमा इन्टेल र एएमडी प्रोसेसरमाथि प्रतिबन्ध

काठमाडौं ।

चीनले प्रस्तुत गरेको नयाँ गाइडलाइनले सरकारी कम्प्यूटर र सर्भरहरूमा एएमडी र इन्टेलबाट अमेरिकी प्रोसेसरहरू प्रयोग गर्न प्रतिबन्ध गर्ने फाइनान्सियल टाइम्सले रिपोर्ट गरेको छ। नयाँ नियमले घरेलु समाधानहरूको पक्षमा माइक्रोसफ्ट विन्डोज र विदेशी डाटाबेस उत्पादनहरूलाई पनि रोक्छ। चीन र अमेरिका बीच लामो समयदेखि चलिरहेको प्राविधिक व्यापार युद्धमा पछिल्लो कदमको रुपमा लिइएको छ।

सरकारी एजेन्सीहरुले अब एएमडी र इन्टेल चिपहरुको लागि ‘सुरक्षित र भरपर्दो’ घरेलु प्रतिस्थापनहरू प्रयोग गर्नुपर्छ। सूचीमा १८ स्वीकृत प्रोसेसरहरू समावेश छन्, जसमा ह्वावे र राज्य–समर्थित कम्पनी फाइटियमका चिप्स समावेश छन्। दुबै कम्पनीका उत्पादन अमेरिकामा प्रतिबन्धित छन्।

नयाँ नियम डिसेम्बरमा पेस गरिएको र हालसालै चुपचाप लागू गरिएको छ। यसले इन्टेल र एएमडीमा महत्वपुर्ण प्रभाव पार्नेछ। गत वर्ष इन्टेलको ५४ अर्ब डलरको बिक्रीको २७ प्रतिशत र एएमडीको २३ अर्ब डलरको राजस्वको १५ प्रतिशत बजार चीनको रहेको एफटीले जनाएको छ। यद्यपि सरकारी र निजी क्षेत्रमा कति चिप्स प्रयोग गरिन्छ भन्ने स्पष्ट छैन।

यो अमेरिका निर्मित प्रविधिको प्रयोगमा प्रतिबन्ध गर्नेतर्फ चीनको अहिलेसम्मको सबैभन्दा आक्रामक कदम हो। गत वर्ष, चीनले घरेलु फर्महरूलाई महत्वपूर्ण पूर्वाधारमा माइक्रोन चिप्स प्रयोग गर्न निषेध गरेको थियो। यसैबीच, अमेरिकाले चिप निर्मातादेखि लिएर एयरोस्पेस फर्महरूसम्मका चिनियाँ कम्पनीहरूमा प्रतिबन्ध लगाएको छ। अमेरिकाले एनभिडिया जस्ता अमेरिकी कम्पनीहरूलाई चीनलाई एआई र अन्य चिपहरू बेच्नबाट पनि रोक लगाएको छ।