सञ्चार मन्त्रालयको जिम्मा पुनः रेखा शर्मालाई दिईयो, आजै ५ बजे शपथ हुँदै

काठमाडौं ।

नेकपा (माओवादी केन्द्र) ले सञ्चार तथा सूचना प्रविधिमन्त्री रेखा शर्मालाई पुनः सञ्चारमन्त्री बनाउने भएको छ।

माओवादी केन्द्रले आजै सञ्चार मन्त्रालयमा पुनः शर्मालाई पठाउने निर्णय गरेको हो।

यसअघि आज दिउँसो १ बजे निवर्तमान मन्त्री शर्माको बिदाइ कार्यक्रम मन्त्रालयमा आयोजना गरिएको थियो।

यसैबीचमा फेरी शपथ लिन आउन निम्तो आएको हो।

‘‘आज बेलुका ५ बजे सञ्चार मन्त्रीको शपथ लिन आउनुहोला भनेर प्रधानमन्त्री कार्यालयबाट खबर आएको छ,’’ मन्त्री शर्माका स्वकीय सचिव हेमराज शर्मा ‘डायमण्ड’ले टेक्नोलोजीखबरलाई भने।

योसँगै संचार मन्त्रीको रुपमा शर्माको दोस्रो कार्यकाल शुरु हुनेछ।