जापानको चिप उत्पादक रेनेसासले सफ्टवेयर कम्पनी अल्टियम ५.९ अर्ब डलरमा किन्ने

काठमाडौं ।

जापानको रेनेसास इलेक्ट्रोनिक्सले इलेक्ट्रोनिक्स डिजाइन फर्म अल्टियमलाइ५.९ अर्ब डलरमा किन्ने बिहीबार बताएको छ। यस अधिग्रहण मार्फत मोटर वाहन चिपमेकरले ग्राहकहरूलाई डिजिटल डिभाइस डिजाइन प्रस्ताव गर्न चाहेको रोयटर्सले उल्लेख गरेको छ।

यस अधिग्रहणले रेनेसासलाई जापानको चिप्स उद्योगमा डिलमेकिङ र लगानीमा अग्रपंक्तिमा राख्छ। जापान सरकारले प्रतिस्पर्धात्मकता सुधार गर्न र भूराजनीतिक तनाबका करण आपूर्ति श्रृंखला लचिलो बनाउने प्रयास गरिरहेको छ।

टोयोटा र निसान जस्ता अटोमेकरहरूका लागि चिप्स उत्पादन गर्ने रेनेसासले सर्किट बोर्डहरू डिजाइन गर्ने इन्जिनियरहरू र डिजाइनरहरूका लागि डिजिटल उपकरणहरू प्रदान गर्ने अल्टियमको खरीद मार्फत उपकरण डिजाइन प्रदान गर्ने लक्ष्य राखेको छ।

“जबसम्म हामी एक परम्परागत उपकरण निर्माता रहन्छौं हामी केवल सीमान्तीकृत हुनेछौं,“ रेनेसासका सीईओ हिदेतोशी शिबाताले पत्रकार सम्मेलनमा भने।

रेनेसाले प्रति अल्टियम शेयर ६८.५० अमेरिकी डलर प्रस्ताव गरेको छ। यो बुधबारको स्टक मूल्यभन्दा ३४ प्रतिशत बढी हो। उक्त रकम नगदका साथ बैंक ऋण पनि भुक्तानी गरिनेछ।

अमेरिकामा मुख्यालय रहेको अल्टियम अस्ट्रेलियमा सूचीकृत छ। सम्झौतालाई दुबै कम्पनीको निर्देशक बोर्डले अनुमोदन गरेको छ तर अल्टियम शेयरधारकहरू, अष्ट्रेलियाको अदालत र नियामकहरूबाट स्वीकृति आवश्यक छ, रेनेसासले भने। यो सम्झौता २०२४ को मध्यसम्म सम्पन्न हुने अपेक्षा गरिएको छ।