प्रविधि

मनाईयो राष्ट्रिय सूचना प्रविधि दिवस, हरेक क्षेत्रमा सूचना प्रविधि उपयोग गर्न विज्ञहरुको सूझाव

मनाईयो राष्ट्रिय सूचना प्रविधि दिवस, हरेक क्षेत्रमा सूचना प्रविधि उपयोग गर्न विज्ञहरुको सूझाव
Global IME Bank

काठमाडौं । मुलुकमा सूचना प्रविधिको विकास र बिस्तार गराउने उद्धेश्यसहित राष्ट्रिय सूचना तथा संचार प्रविधि दिवस मनाईएको छ । पहिलो पटक सरकारले नेपालमा राष्ट्रि सूचना प्रविधि दिवसको रुपमा मई २ तारिखलाई मनाउने निर्णय गरेपछि औपचारिकरुपमा विभिन्न कार्यक्रमहरु आयोजना गरिएको छ ।

संचार तथा सूचना प्रविधि मन्त्रालयद्धारा आयोजित एक कार्यक्रममा संचार तथा सूचना प्रविधि मन्त्री गोपाल प्रसाद बाँस्कोटाले सूचना प्रविधिको विकास गर्न पूर्वाधार निर्माणमा ध्यान दिनुपर्ने बताए । उनले पूर्वाधार निर्माण गर्दा निश्वार्थ भावनाले गर्नुपर्ने भन्दै त्यसो हुन नसकेको बताए ।

‘पूर्वाधार बनाउन चोखो मन लिएर जानुपर्ने, तर मलाई के फाईदा हुन्छ भन्ने गरि अब सरकारले नीति बनाउने छैन्, हाल पोर्टफोलियो म्यानेजमेन्ट गर्न भन्दै प्रतिशत लिने गरिएको छ अब त्यो रोकिन्छ,’ उनले भने ।

मन्त्री बास्कोटाले सूचना प्रविधिको क्षेत्रमा वैदेशिक लगानी भित्र्याउन आग्रह गर्दै पारदर्शिरुपमा लगानी ल्याउनुपर्ने बताए ।

कार्यक्रममा नेपाल दूरसंचार प्राधिकरणका अध्यक्ष दिगम्बर झाले सूचना प्रविधिको पहुँच बिस्तार गर्न ब्रोडब्याण्ड नेटवर्क बिस्तार गरिरहेको भन्दै आईटिका विभिन्न सूचकहरुमा माथि आउने प्रयास गरिरहेको बताए ।

कार्यक्रममा क्यान महासंघका अध्यक्ष हेमन्त चौरसियाले नेपालमा सूचना प्रविधि शिक्षाको आवश्यकता रहेको भन्दै हरेक क्षेत्रको विकासमा सूचना प्रविधि महत्वपूर्ण हुने बताए ।

उनले यसको लागि नीतिगत कार्यान्वयन गरे मात्रै देशले विकासको फड्को मार्ने दाबी गरे ।

त्यस्तै सोहि अवसरमा आयोजित अन्तरक्रिया कार्यक्रममा प्रधानमन्त्रीका सूचना प्रविधि सल्लाहकार असगर अलीले नेपालीहरुको नागरिकताको आधारमा सरकारी निकायमा सम्पूर्ण काय अनलाइनमार्फत गर्ने गरि काम गरिरहेको जानकारी दिए । उनले त्यसको लागि पहिलो चरणमा सरकारी अधिकारीहरुलाई ईमेलमार्फत आधिकारिक कार्यहरु गराउन शुरु गरिएको बताए ।

त्यस्तै डियरवाक अमेरिकाका डा रुद्र राज पाण्डेले नेपालको विकास गर्न शिक्षा, सूचना प्रविधि र पर्यटनको विकास गर्नुपर्ने बताए । उनले सूचना प्रविधिको विकास गर्न दक्ष जनशक्तिको आवश्यकता भएको र व्यवसायी बिस्तारको लागि सहज वातावरण बनाउनुपर्ने विचार व्यक्त गरे ।

त्रिभुवन विश्वविद्यालयका प्राध्यापक डा ज्योती तण्डुकारले प्रविधिले रोजगारी सिर्जना गर्ने हुँदा हरेक क्षेत्रमा प्रविधिको प्रयोग अधिकतमरुपमा गरिनुपर्ने बताए ।

Sajilo Visa
easy care