काठबाट बनेको स्मार्टफोनको स्क्रिन प्लाष्टिकभन्दा बलियो हुने, परीक्षण हुँदै

काठमाडौं ।

अहिले हामी माझ रहेका सबै मोबाइल फोनका स्क्रिनहरू ग्लास(सिसा) वा प्लास्टिकबाट बनेका छन्। स्मार्टफोन स्क्रिनको ठूलो बजार छ जुन स्मार्टफोनको बढ्दो मागका कारण थप विस्तार हुँदै गएको छ।

यस उद्योगमा नयाँ नयाँ आविष्कारहरू पनि भइरहेका छन्। आगामी दिनहरूमा, तपाईंले मोबाइल फोनहरूमा काठबाट बनेको डिस्प्लेहरू देख्न सक्नुहुन्छ। वास्तवमा, अनुसन्धानकर्ताहरू पारदर्शी काठ(ट्रान्सप्यारेन्ट वूड) मा काम गरिरहेका छन् जसले ग्लास र प्लास्टिकलाई प्रतिस्थापन गर्न सक्छ।

शोधकर्ताहरू लामो समयदेखि पारदर्शी काठमा काम गरिरहेका छन्। स्वीडेनको केटीएच रोयल इन्स्टिच्युट अफ टेक्नोलोजीका अनुसन्धानकर्ता लार्स बर्गलुन्ड र युनिभर्सिटी अफ मेरील्याण्ड (यूएम)का अनुसन्धानकर्ताले पारदर्शी काठमा गरेको कामको विवरण साइन्टिफिक अमेरिकनमा प्रकाशित गरिएको छ।

वर्षौंको मेहनत भविष्यमा ग्लास र प्लास्टिकको सट्टा पारदर्शी काठको रूपमा प्रतिबिम्बित हुने र यसलाई स्क्रिन बनाउन प्रयोग गर्न सकिने अनुसन्धानकर्ताहरूको विश्वास छ।

काठबाट ग्लास कसरी बनाए ?

यदि तपाई सोचिरहनु भएको छ कि अनुसन्धानकर्ताहरूले काठबाट ग्लास कसरी बनाए, त्यसको लागि हामी यहाँ एउटा तस्वीर थप्दैछौं। वास्तवमा, काठलाई पारदर्शी ग्लास बनाउन अनुसन्धानकर्ताहरूले लिग्निन (Lignin) नामक पदार्थलाई परिमार्जन गर्ने र हटाएका छन्।

लिग्निन एउटा ग्लुज जस्तो पदार्थ हो जसले बोटको ट्युब जस्तो कोशिकाहरूलाई पानी र पोषक तत्वहरू बोक्न मद्दत गर्छ, जसले बोटलाई बढ्न मद्दत गर्छ र रूखलाई खैरो रंग दिन्छ। अन्वेषकहरूले यो लिग्निनलाई हटाएर खैरो रंग हटाए र त्यसपछि इपोक्सी रेसिनले पारदर्शी बनाए।

८० देखि ९० प्रतिशत प्रकाश काठ मार्फत जान सक्छ

यूएमका प्रमुख वैज्ञानिक बर्गलुन्ड र लियांगबिङ हुका अनुसार, पारदर्शी काठको मिलिमिटर बाक्लो पत्रले ८० देखि ९० प्रतिशत प्रकाश पार गर्न अनुमति दिन्छ। यद्यपि, सो पत्र एक सेन्टिमिटर बाक्लो हुँदा, प्रकाश प्रसारण कम हुन थाल्छ। यसको अर्थ प्रकाश प्रसारण मोटाई अनुसार घट्छ।

काठ ग्लास भन्दा बलियो हुने

यस बाहेक अनुसन्धानकर्ताहरूले काठ दबाबमा कति सजिलै भाँचिन्छ वा भाँचिदैन भनेर पनि जाँच गरे। यसका लागि गरिएको परीक्षणमा पारदर्शी काठ प्लेक्सिग्लास भन्दा ३ गुणा बलियो र ग्लासभन्दा १० गुणा बलियो हुने देखियो।

यो पारदर्शी काठ धेरै पातलो भएकाले यसलाई भविष्यमा मोबाइल फोनको स्क्रिनको विकल्पको रूपमा हेरिएको छ। तर, पारदर्शी काठ ग्लास जत्तिकै वातावरणमैत्री हुँदैन किनभने यसमा ‘इपोक्सी रेसिन’ प्रयोग गरिन्छ, जुन पेट्रोलियमबाट बनेको प्लास्टिक उत्पादन हो।