काठमाडौं ।
भारतको ठूला टेलिकम कम्पनीहरू मध्ये एक रिलायन्स जियोको स्याटेलाइटमा आधारित इन्टरनेट सेवा जियोस्पेसफाइबर, चाँडै सुरु हुन सक्छ। गत वर्ष, कम्पनीले इण्डिया मोबाइल कांग्रेसमा स्याटकम प्रविधि प्रदर्शन गरेको थियो। रिलायन्स जियोले चाँडै भारतीय अन्तरिक्ष प्रवर्द्धन र प्राधिकरण केन्द्र (ईन-स्पेस) बाट आवश्यक स्वीकृति प्राप्त गर्न सक्छ।
यस बारे जानकारी भएको स्रोतलाई उद्धृत गर्दै मिडिया रिपोर्टमा कम्पनीले अनिवार्य कागजातहरू ईन-स्पेसलाई बुझाएको बताइएको छ। स्याटेलाइट इन्टरनेट सेवा सुरु गर्न दूरसञ्चार कम्पनीहरूले विभिन्न मन्त्रालयबाट स्वीकृति लिनुका साथै सेक्युरिटी क्लियरन्स लिनुपर्नेछ।
गत वर्ष, इन्डिया मोबाइल कांग्रेसमा, रिलायन्स जियोले आफ्नो जियोस्पेस फाइबर सेवाले चारओटा दुर्गम क्षेत्रहरूलाई जोडेको बताएको थियो।
भारतमा स्याटेलाइटमा आधारित इन्टरनेट जडानको लागि, रिलायन्स जियोले लक्जेम्बर्गमा आधारित स्याटेलाइट टेलिकम्युनिकेसन नेटवर्क प्रदायक सोसिएटे यूरोपिन्ने डे स्याटेलाइट्स सँग साझेदारी गरेको छ। रिलायन्स जियोको स्याटेलाइट इन्टरनेट सेवाले इलन मस्कको स्टारलिंक र अमेजनको प्रोजेक्ट कुइपरसँग प्रतिस्पर्धा गर्न सक्छ। यी विदेशी कम्पनीहरुले पनि स्वदेशमै सेवा सुरु गर्ने योजना बनाएका छन्।
स्याटेलाइट इन्टरनेट सेवाहरूको लागि स्पेक्ट्रम उपलब्ध गराउन इजाजतपत्र प्रक्रिया हुन सक्छ।तर भारतीय कानूअनुसार, यी सेवा उपलब्ध गराउने कम्पनीहरूले स्पेक्ट्रमका लागि बोलकबोल गर्नुपर्ने छैन। यो स्टारलिंकको लागी लाभदायक हुन सक्छ। तर, रिलायन्स जियोले यसका लागि लिलामी गरिनु सही तरिका भएको बताएको छ।
मस्कको स्टारलिंकले भारतीय केन्द्र सरकारलाई स्पेक्ट्रम लिलामी नगर्न र अन्य देशहरूको जस्तै सेवा सुरु गर्न लाइसेन्स जारी गर्न चाहन्छ। यो प्राकृतिक स्रोत हो र यसलाई कम्पनीहरूबीच बाँडफाँड गर्नुपर्छ भन्ने कम्पनीको विश्वास छ। स्टारलिंक भन्छ कि लिलामीले भौगोलिक प्रतिबन्ध लगाउन सक्छ जसले लागत बढाउन सक्छ।
प्रकाशित: १९ पुष २०८०, बिहीबार
