काठमाडौं ।
इलन मस्कद्वारा सञ्चालित टेस्लाले १२०,४२३ मोडल एस र एक्स गाडीहरुमा एउटा समस्या देखिएपछि रिकल गरेको छ।
युएस नेशनल हाइवे ट्राफिक सेफ्टी एडमिनिस्ट्रेशन (एनएचटीएसए) का अनुसार, यो समस्याले जोखिम बढाउँछ र ईभीहरुले संघीय सुरक्षा नियमहरूको पालना गर्दैनन् भन्ने संकेत गर्छ।
समस्या समाधान गर्न अटोमेकरद्वारा नि:शुल्क ओभर-द-एयर (ओटीए) अपडेट जारी गरिएको छ, र गाडी धनीहरुलाई नोटिफिकेसन फेब्रुअरीमा जारी हुने अपेक्षा गरिएको छ।
उक्त सूचनामा भनिएअनुसार दुर्घटना हुँदा केबिनको ढोका खोल्न सकिने उल्लेख छ। यसरी, यी सवारी साधनहरूले अमेरिकी संघीय मोटर वाहन सुरक्षा मानक नम्बर २१४, साइड इम्प्याक्ट संरक्षणका आवश्यकताहरू पूरा गर्न असफल हुन्छन्।
यस महिनाको सुरुमा, टेस्लाले कम्पनीको विवादास्पद एडभान्स ड्राइभर-सहायता प्रणाली अटोपाइलटमा रहेको ‘त्रुटि’ समाधान गर्न अमेरिकामा २० लाख भन्दा बढी सवारी साधनहरू फिर्ता बोलाएको थियो।
सन् २०१५ मा अटोपाइलट फिचर ल्याइएदेखि अमेरिकामा बिक्री हुने लगभग हरेक टेस्ला गाडीमा यो ‘रिकल’ लागू हुन्छ।
प्रकाशित: ९ पुष २०८०, सोमबार
