फेसबुकको मुल कम्पनी मेटाका प्रवक्ता रुसको ‘वान्टेड’ सूचीमा

काठमाडौं ।

रुसले फेसबुक र इन्स्टाग्रामको मुल कम्पनी मेटाका प्रवक्तालाई वान्टेड सूचीमा राखेको छ। रुसको आन्तरिक मन्त्रालयले तयार गरेको अनलाइन डाटाबेसका अनुसार मेटाका प्रवक्तालाई वान्टेड सूचीमा राखिएको हो।

रूसी राज्य एजेन्सी टास र स्वतन्त्र समाचार आउटलेट मिडियाजोनाले मेटाका सञ्चार निर्देशक एन्डी स्टोनलाई आइतबार सूचीमा समावेश गरिएको पहिलो पटक रिपोर्ट गरेको थियो। रूसी अधिकारीहरूले अक्टोबरमा मेटालाई ‘आतंकवादी र चरमपन्थी’ संगठनको रूपमा वर्गीकृत गरेको थियो।

रुसी बासिन्दाहरुले मोटाको प्लेटफर्म प्रयोग गर्ने भएकाले यसको विरुद्ध सम्भावित आपराधिक कार्यबाहीको लागि बाटो खोलिएको हो।

आन्तरिक मन्त्रालयले स्टोन विरुद्ध आपराधिक आरोपमा वान्टेड सूचीमा राखिएको बताए पनि उनी विरुद्ध लगाइएको मूद्दाको विस्तृत विवरण भने नदिएको रोयटर्सले उल्लेख गरेको छ।

रूसको विपक्षी र जेल प्रणालीलाई कभर गर्ने स्वतन्त्र समाचार वेबसाइट मिडियाजोनाका अनुसार, स्टोनलाई फेब्रुअरी २०२२ मा वान्टेड सूचीमा राखिएको थियो, तर अधिकारीहरूले त्यस समयमा कुनै सम्बन्धित रिपोर्ट उपलब्ध गराएका छैनन्। यस हप्तासम्म कुनै समाचार मिडियाले यस विषयमा रिपोर्ट नगरेको रोयटर्सले उल्लेख गरेको छ।