ओपन एआइले ल्यायो च्याटजीपीटीको लागि नयाँ फिचर

काठमाडौं ।

ओपनएआइले विकासकर्ता सम्मेलनमा च्याटजीपीटीको लागि नयाँ सुविधाहरू अनावरण गरेको छ।

यस हप्ताको विकासकर्ता सम्मेलन इनोभेसन र वृद्धिको प्रदर्शनी हो। यसमा ओपनएआइले हाम्रो दैनिक डिजिटल अनुभवमा एआईलाई थप जोड्ने वाचा गर्ने ग्राउन्डब्रेकिंग सुविधाहरूको अनावरण गरेको हाे।

महत्वपूर्ण चाखलाग्दो फिचर मध्ये एक कस्टमाइजेबल “जीपीटीएस” को इन्टरडक्सन रहेकाे छ। यसले प्रयोगकर्ताहरूलाई, शून्य कोडिङ विशेषज्ञता भएकाहरूलाई पनि आफ्नै च्याटजीपीटी भेरियन्टहरू क्रिएट गर्न सशक्त बनाउने उल्लेख छ।

यी पर्सनलाइज्ड एआई मोडलहरूले क्रिएटिभ राइटिङ कोचदेखि टेक एड्भाइजरसम्मका कुनै पनि कुराको रूपमा काम गर्न सक्ने बताइएकाे छ।यसले एआईको विशाल क्षमताहरूलाई थप पहुँचयोग्य र व्यक्तिगत आवश्यकताहरू अनुरूप बनाउने गिज्माेचाइनामा उल्लेख छ।

यूजर-सेन्ट्रीक एआई तर्फको यो कदम एक गेम-चेन्जर रहेकाे बताइएकाे छ। याे आर्टिफिसियल इन्टेलिजेन्सकाे प्राविधिक ज्ञान भएकाहरूका लागि एउटा टूल मात्र नभएर जटिल प्रोग्रामिङ स्किलहरूको बाधा बिना प्रयाेगकर्ताकाे नियमित कार्यहरूको उत्पादकता र सृजनात्मकता बढाउने कार्यमा भविष्यकाे लागि महत्वपूर्ण  मानिने उल्लेख छ।

ओपन एआइले यी कस्टम एआई मोडलहरू सजिलै उपलब्ध गराउँदै वितरणको लागि जीपीटी स्टोर पनि स्थापना गर्दैछ।

ओपन एआइको “जीपीटी-४ टर्बाे”ले विकासकर्ताहरूका लागि अझ बढी कस्ट-इफेक्टिभ हुने स्मार्ट, अधिक शक्तिशाली एआईको प्रतिज्ञा गरेकाे छ।

नयाँ सहायक एपीआईसँग जोडिएको, यसले जिपीटीको एआईलाई एपहरूमा इन्टीग्रेट गर्न अनुमति दिने बताइएको छ। ओपन एआइले  यसको एआई थप शक्तिशाली मात्र नभएर सफ्टवेयर इकोसिस्टममा थप इन्टीग्रेटेड रहेकाे सुनिश्चित गरेकाे छ।

ओपन एआइको च्याटजिपीटी द्रुत रूपमा एक वर्ष भन्दा कम समयमा १०० मिलियन साप्ताहिक प्रयोगकर्ताहरू भन्दा ठूलो प्रयोगकर्ता आधार प्राप्त गर्दै  शक्तिशाली रूपमा उभिएको छ।