काठमाडौं ।
ह्वाट्सएपले आफ्नो प्लेटफर्मको सुरक्षालाई मजबुत बनाउन नयाँ फिचर डिजाइन गरेको छ। इमेल एड्रेस थप गर्न मिल्ने सुविधाले प्रयोगकर्तालाई सुरक्षाको अतिरिक्त लेयर प्रदान गर्छ।
एन्ड्रोइडको लागि ह्वाट्सएपको बीटा भर्सनको नयाँ सेग्मेन्ट देखा परेको छ। जसले प्रयोगकर्ताहरूलाई उनीहरूको इमेल एड्रेस इनपुट गर्न र उनीहरूको ह्वाट्सएप अकाउन्टमा लिंक गर्न अनुमति दिन्छ।
हाल एन्ड्रोइड भर्सन २.२३.२४.१० का लागि ह्वाट्सएप बीटा प्रयोग गर्ने परीक्षणकर्ताहरूको एक चयन समूहले मात्र यो इमेल सेटअप सुविधामा पहुँच प्राप्त गर्न सक्छन्। एपले आगामी केही वर्षमा यस सुविधालाई सबैले पहुँच प्राप्त गर्न सक्ने गरी रोल आउट गर्ने योजना बनाएको छ।
ह्वाट्सएप अकाउन्टको सेटिङमा नेभिगेसन गरेर नयाँ कन्फिगरेसन पेजमा पहुँच गर्न सकिन्छ।
इमेल एड्रेस एकीकरण विशिष्ट परिदृश्यहरूमा प्रयोगकर्ता लगइन सुविधाको लागि लक्षित देखिएको गिजचाइनाले उल्लेख गरेको छ। यद्यपि यो सुविधा वैकल्पिक हो। यो उन्नत सुरक्षा र अकाउन्ट रिकभरीलाई प्राथमिकता दिने प्रयोगकर्ताको आवश्यकतालाई ध्यानमा राखेर ल्याइएको हो।
प्रकाशित: २० कार्तिक २०८०, सोमबार
