इलेक्ट्रिक कारको आयात तीन गुणाले बढ्यो

काठमाडौं ।

नेपालमा इलेक्ट्रिक कारको आयात बढ्दो क्रममा देखिएको छ। भन्सार विभागको तथ्यांक अनुसार चालु आर्थिक वर्ष २०८०/८१ को असोज मसान्तसम्म २ हजार १३५ यूनिट इलेक्ट्रिक कार आयात भएको छ।

गत आर्थिक वर्ष २०७९/८० को असोज मसान्तसम्म ७०५ यूनिट इलेक्ट्रिक कार आयात भएको थियो।

गत आवको तुलनामा चालु आवको सोही अवधिमा इलेक्ट्रिक कारको आयात १ हजार ४३० यूनिट अर्थात २०२.८३ प्रतिशतले बढेको छ।

गत आवको असोज मसान्तसम्म २० अर्ब ५० लाख ६५ हजार रुपैयाँ बराबरको इलेक्ट्रिक कार आयात भएको चालु आवमा ५ अर्ब १७ करोड ७१ लाख २५ हजार रुपैयाँ बारबरको आयात भएको छ।

० देखि ५० किलोवाट क्षमताको इलेक्ट्रिक कार १ अर्ब ७२ करोड २८ लाख ७१ हजार रुपैयाँ बराबरको ९५४ यूनिट आयात भएको छ।

५१ देखि १०० किलोवाट क्षमताको ३ अर्ब ३८ करोड २४ लाख २९ हजार बराबरको १ हजार १६६ यूनिट आयात भएको छ।

१०१ देखि २०० किलोवाट क्षमताको ४ करोड ९० लाख १२ हजार रुपैयाँ बराबरको १२ यूनिट इलेक्ट्रिक कार आयात भएको छ।

२०१ देखि ३०० किलोवाट क्षमताको २ करोड २८ लाख १२ हजार रुपैयाँ बराबरको ३ यूनिट इलेक्ट्रिक कार आयात भएको छ।

इलेक्ट्रिक कारको आयातबाट सरकारले २ अर्ब २४ करोड २१ लाख ७५ हजार रुपैयाँ राजश्व संकलन गरेको छ।

नेपालमा चीन, भारत, इन्डोनेसिया, जर्मनी र दक्षिण कोरियाबाट इलेक्ट्रिक कार आएको भन्सार विभागको तथ्यांकमा देखिन्छ।

नेपालमा रकमको आधारमा चीन र संख्याको आधारमा भारतबाट सर्वाधिक इलेक्ट्रिक कार आयात हुने गरेको भन्सार विभागको तथ्यांकमा देखिन्छ।

चीनबाट ३ अर्ब ५ करोड ७३ लाख ९२ हजार रुपैयाँ बराबरको १ हजार ५१ यूनिट इलेक्ट्रिक कार आयात भएको छ।

भारतबाट २ अर्ब ८ करोड ६८ लाख ६५ हजार रुपैयाँ बराबरको १ हजार ७३ यूनिट इलेक्ट्रिक कार आयात भएको छ।

इन्डोनेसियाबाट १ करोड २२ लाख १७ हजार रुपैयाँ बराबरको ७ यूनिट इलेक्ट्रिक कार आयात भएको छ।

जमर्नी र दक्षिण कोरियबाट क्रसश १ करोड १२ लाख १२ हजार रुपैयाँ
र ९४ लाख ३९ हजार रुपैयाँ बराबरको समान दुई यूनिट इलेक्ट्रिक कार आयात भएको भन्सार विभागको तथ्यांकमा देखिन्छ।