नासाले बुधबार ओएसआईआरआईएस-आरईएक्स क्षुद्रग्रह बेन्नुबाट ल्याएको सामाग्रीको खुलासा गर्ने

काठमाडौं ।

नासाले बुधबार ओएसआईआरआईएस–आरईएक्स एस्टेरोइड (क्षुद्रग्रह) बेन्नुबाट पृथ्वीमा ल्याएको सामाग्री खुलासा गर्ने भएको छ। खुलासाको लाइभस्ट्रिम बुधबार, ११ अक्टोबरमा बिहान ११ बजे ईटीको लागि सेट गरिएको इनग्याजेडले उल्लेख गरेको छ।

पृथ्वी नजिकैको क्षुद्रग्रह ‘बेन्नु’ को सतहबाट लिएको चट्टान र धुलो भएको क्याप्सुल २४ सेप्टेम्बरमा उटाह मरुभूमिको रक्षा प्रशिक्षण स्थलमा अवतरण गरिएको थियो। र, वैज्ञानिकहरू त्यसपछि आफ्नो प्रारम्भिक विश्लेषण गर्ने काममा छन्।

ओएसआईआरआईएस–आरईएक्सले सन् २०२० मा बेन्नुबाट आफ्नो नमूना लिएको थियो र मे २०२१ मा पृथ्वीतर्फ फर्कन सुरु गर्नु अघि माथिबाट क्षुद्रग्रहको अवलोकन गर्न त्यसपछिको डेढ वर्ष बिताएको थियो। गत महिना यसको ड्रपअफ पछि, क्यानिस्टर नासाको जोन्सन स्पेस सेन्टरमा खोल्नको लागि ह्युस्टन, टेक्सासमा ल्याइएको थियो। अर्कोतर्फ, ओएसआईआरआईएस-आरईएक्स अझै पनि अन्तरिक्षमा छ। अब नयाँ मिसन नाम, ओएसआईआरआईएस-एपेक्स अन्तर्गत अपोफिस नामक क्षुद्रग्रहमा जाँदैछ।

क्षुद्रग्रह बेन्नु अनुमानित ४.५ अर्ब वर्षको हो। नमुनाहरुले ग्रहको संरचना कस्तो देखिन्थ्यो भन्ने बिल्डिंग ब्लकहरूको बारेमा थप जानकारी दिनेछ। अनुमानि गरिएको भन्दा धेरै सामग्री संकलन गरिएकाले वैज्ञानिकहरु थप उत्साहित छन्।

‘सबैभन्दा राम्रो ‘समस्या’ यो हो कि त्यहाँ धेरै सामग्री छ, यसले हामीले यसलाई संकलन गर्न अपेक्षा गरेभन्दा बढी समय लिइरहेको छ,’ नासाको डेपुटी ओएसआईआरआईएस-आरईएक्स क्यूरेशन प्रमुख क्रिस्टोफर स्नीडर भने।

लाइभस्ट्रिम आउँदै गर्दा, हामीले चाँडै नै उनीहरूले त्यो सामग्रीमा के फेला पारेका छन् भन्ने बारे थप जान्न सक्नेछौं।