काठमाडौं ।
च्याटजीपीटीमा अब बोलेर तस्बिर बनाउन सकिने भएको छ।
बुधवार, सान फ्रान्सिस्को आर्टिफिसियल इन्टेलिजेन्स स्टार्ट-अप ओपनएआईले परीक्षकहरुको सानो समूहमा आफ्नो डल-ई-इमेज (तस्बिर) जेनेरेटरको नयाँ भर्सन जारी गरेको छ।
ओपनएआईले प्रविधिलाई आफ्नो लोकप्रिय अनलाइन च्याटबोट च्याटजीपीटीमा परिवर्तन गरेको न्यूयोर्कटाइम्सले उल्लेख गरेको छ।
कम्पनीका अनुसार यसलाई डल-ई ३ भनिन्छ। यो टेक्नोलोजीको अघिल्लो भर्सन भन्दा बढी विश्वस्त इमेज उत्पादन गर्न सक्छ, अक्षरहरू, संख्याहरू र मानव हातहरू भएका इमेजहरूको लागि एक विशेष सीप देखाउँने कम्पनीले बताएको छ।
‘प्रयोगकर्ताले सोधेको कुरा बुझ्न र प्रतिनिधित्व गर्न यो धेरै राम्रो छ,’ ओपनएआईका अनुसन्धानकर्ता आदित्य रमेश भने, ‘प्रविधिलाई अंग्रेजी भाषाको अझ सटीक पकडको लागि निर्माण गरिएको थियो।’
च्याटजीपीटीमा डल-ईको पछिल्लो भर्सन थपेर ओपनएआईले आफ्नो च्याटबोटलाई जेनेरेटिभ एआईको हबको रुपमा बलियो बनाउँदै लगेको छ। यसले टेक्स्ट, इमेज, साउन्ड, सफ्टवेयर र अन्य डिजिटल मिडिया आफै उत्पादन गर्न सक्छ।
गत वर्षदेखि चर्चामा आएको च्याटजीपीटी पछिल्लो समय आफूलाई अन्य प्राविधिक कम्पनीमध्ये अब्बल बन्न अझ आक्रमक बनिरहेको छ।
गुगलले मंगलबार आफ्नो नयाँ भर्सनको च्याटबोट, बार्ड सार्वजनिक गरेको छ। यसमा जीमेल, यूट्यूब र डकुमेन्ट सहित कम्पनीका धेरै लोकप्रिय सेवाहरूसँग कनेक्ट गर्दछ। अन्य दुई इमेज जेनेरेटर मिडजर्नी तथा स्टेबल डिफ्यूजनले यस समरमा आफ्नो मोडेल अपडेट गरेको छ।
ओपनएआईले लामो समयदेखि आफ्नो च्याटबोटलाई एक्सपिडिया, ओपनटबल र विकिपिडिया सहित अन्य अनलाइन सेवाहरूसँग कनेक्ट गर्ने तरिकाहरू प्रस्ताव गर्छ। स्टार्ट-अपले च्याटबटलाई इमेज जेनेरेटरसँग जोडेको यो पहिलो पटक हो।
विगतमा डल-ई र च्याटजीपी दुई भिन्नाभिन्न एप्लिकेसन थिए। तर पछिल्लो रिलिजको साथ, प्रयोगकर्ताले अब च्याटजीपीटीको सेवा प्रयोग गरेर आफूले चाहेको इमेज वर्णन प्राप्त गर्न सकिन्छ। वा तिनीहरूले च्याटबोटद्वारा उत्पन्न विवरणहरू प्रयोग गरेर इमेजहरु सिर्जना गर्न सकिन्छ, ग्राफिक्स, कला र अन्य मिडियाको उत्पादनलाई स्वचालित बनाउन सकिन्छ।
यस हप्ताको एक प्रदर्शनमा ओपनएआई अनुसन्धानकर्ता गेब्रियल गोहले कसरी च्याटजीपीटीले अब विस्तृत पाठ्य विवरणहरू उत्पन्न गर्न सक्छ र यसको प्रयोग इमेज बनाउनका लागि गर्न सकिन्छ भनेर देखाए। माउन्टेन रामेन नामक रेस्टुरेन्टको लोगोको विवरण सिर्जना गरेपछि, उदाहरणका लागि, बोटले केही सेकेन्डमा ती विवरणहरूबाट धेरै इमेजहरु उत्पन्न गरेको थियो।
प्रकाशित: ५ आश्विन २०८०, शुक्रबार
