काठमाडौं ।
टिकटकले चिनियाँ राज्यको जासुसी डरलाई कम गर्न आफ्नो पहिलो युरोपेली डाटा सेन्टर खोलेको छ।
युरोपेली प्रयोगकर्ताहरूको डाटा अब डब्लिनका सर्भरहरूमा माइग्रेट भइरहेको टिकटकले बताएको बीबीसीले उल्लेख गरेको छ। यसलाई भिडियो-सेयरिङ एपको चीनसँगको सम्बन्धका कारण डाटा गोपनीयता चिन्ताहरूको निरन्तर प्रतिक्रियाको रूपमा हेरिएको छ।
चिनियाँ फर्म बाइडान्सको स्वामित्वमा रहेको टिकटकले बेइजिङलाई डाटा उपलब्ध नगराएको दाबी गर्दै आइरहेको छ।
चिनियाँ राज्यले कुनै पनि समय टिकटकको डाटामा पहुँचका लागि अनुरोध गर्न सक्ने आलोचकहरूको डर छ।
भिडियो–साझेदारी जायन्टले युरोपेली सुरक्षा कम्पनीलाई साइबर–सुरक्षा र डाटा सुरक्षा नियन्त्रणहरू लेखा परीक्षण गर्न पनि अनुमति दिइरहेको छ।
टिकटकले यसलाई ‘प्रोजेक्ट क्लोभर’ भनेको छ, आयरल्यान्डले खेलिरहेको निर्णायक भूमिकालाई इशारा गर्दै यो ‘प्रोजेक्ट टेक्सास’ सँग समानान्तर रूपमा चलिरहेको छ। जसमा २०२० मा अमेरिकी सांसदहरूलाई समान उपायहरू गर्ने प्रतिज्ञा गरिएको थियो।
यस वर्षको सुरुमा टिकटकले साइबर-सुरक्षा र गोपनीयता आधारमा यसको प्रयोगमा धेरै देशहरुबाट प्रतिबन्धहरूको सामना गर्नु परिरहेको छ।
यूके सरकार, युरोपेली संसद, युरोपेली आयोग र ईयु काउन्सिल लगायतका धेरै संस्थाहरूले आधिकारिक डिभाइसबाट एपलाई प्रतिबन्ध लगाउने निर्णय गरेका छन्।
युरोपमा डाटा राख्दै
युरोपेली सुरक्षा अधिकारीहरूको मुख्य चिन्ता भनेको टिकटकले आफ्ना प्रयोगकर्ताहरूमा राखेको डाटा चिनियाँ राज्यले पहुँच गर्ने जोखिम हो।
प्रतिबन्ध लगाउने अधिकारीहरूले चेतावनी दिएका छन् कि डिभाइसमा एप हुनु भएको बेइजिङद्वारा इमेल, सम्पर्क र अन्य सञ्चारहरूमा पहुँच गर्न सक्नेछन्।
यी चिन्ताहरूलाई कम गर्ने प्रयासको एक भागको रूपमा टिकटकले अब स्थानीय रूपमा युरोपेली प्रयोगकर्ताहरुको डाटा भण्डारण गर्नेछ।
डब्लिनमा एउटा डाटा सेन्टर सञ्चालनमा छ भने आयरल्याण्डमा अर्को र नर्वेको हमार क्षेत्रमा स्थापना गर्ने योजनाका साथ टिकटक अघि बढिरहेको छ।
टिकटकको युरोपियन १५० मिलियन भन्दा बढी प्रयोगकर्ताको डाटा यी तीन मध्ये एक केन्द्रमा सारिने छ।
स्वतन्त्र छानबिन
परियोजनाको अपडेटमा र पहिलो डाटा सेन्टर अनलाइन आउँदै गरेको घोषणासँगै, युरोपमा सार्वजनिक नीतिका लागि टिकटकका उपाध्यक्ष थियो बट्र्रामले भने कि डाटा केन्द्रमा टिकटकको काम स्वतन्त्र रूपमा अडिट गर्न तेस्रो-पक्ष सुरक्षा कम्पनी पनि प्रयोग गरिने छ।
प्रोजेक्टर क्लोभरले एनसीसी ग्रुप, विश्वव्यापी साइबर–सुरक्षा जसको सम्पूर्ण युरोपमा कार्यालय छ। कम्पनीलाई टिकटकको डाटा नियन्त्रणहरू जाँच्न गर्ने र कुनै पनि घटनाहरू रिपोर्ट गर्ने जिम्मा दिइएको छ।
एनसीसी ग्रुपका प्राइभेसीका ग्लोबल डाइरेक्टर स्टीफन बेलीले भने कि उनलाई गर्व छ कि टिकटकले परियोजनामा तेस्रो-पक्ष सुरक्षा प्रदायकको रुपमा एनसीसीलाई छनोट गरिएको छ।
‘हाम्रो उद्देश्य छानबिन, अनुगमन र आश्वासन भनेको युरोप र युकेका प्लेटफर्म प्रयोगकर्ताहरूले टिकटकले सेट गरिरहेको परिष्कृत डाटा सुरक्षा मापदण्डहरूमा विश्वास गर्न सक्छन्, जुन युरोपेली नियामक आवश्यकताहरू भन्दा माथि र बाहिर जान्छन्,’ उनले भने।
एनसीसी ग्रुपले कुनै पनि ‘शंकास्पद वा असामान्य पहुँच प्रयासहरू’ पहिचान गरी प्रतिक्रिया दिनेछ र सुरक्षा वृद्धि गर्न काम गर्ने टिकटकले बताएको छ।
आगामी महिनाहरूमा टिकटक र एनसीसी ग्रुपले युरोपभरका नीति निर्माताहरूसँग यो प्रणालीले व्यवहारमा कसरी काम गर्नेछ भनी व्याख्या गर्नेछन्।
प्रकाशित: २० भाद्र २०८०, बुधबार
