एक्समा डोनाल्ड ट्रम्पसँग टकर कार्लसनले गरेको अन्तरवार्ता ७ करोड ४० लाख बढीले हेरे

काठमाडौं ।

पूर्व अमेरिकी राष्ट्रपति डोनाल्ड ट्रम्पले बुधबार फक्स न्यूजमा रिपब्लिकन प्राइमरी बहसबाट बाहिरिएर सामाजिक मिडिया प्लेटफर्म एक्समा अन्तरवार्ता दिएका छन्।

अमेरिकी निर्वाचन आउँदै गर्दा हुने उम्मेदवारहरुबीचको बहसलाई उनले अस्वीकार गरेका थिए भने टकर कार्लसनलाई अन्तर्वार्ता दिएका थिए। यसले लाखौं दर्शकहरूलाई आकर्षित गरेको बताईएको छ।

पहिले ट्विटर भनेर चिनिने प्लेटफर्मको तथ्याङ्क अनुसार कन्जरभेटिभ कमेन्टेटर टकर कार्लसनसँगको ४६ मिनेटको कुराकानीले ७४ मिलियन अर्थात ७ करोड ४० लाख भन्दा बढी भ्युहरू पाएको थियो।

यद्यपि, साइटका आगन्तुकहरूले पूर्व-रेकर्ड गरिएको अन्तरवार्ता कति समय हेरे भन्ने तथ्यांक छैन्। एक्स भ्यू गणनामा भिडियोको पछाडि स्क्रोल गर्ने वा केही सेकेन्डको लागि हेरेका, साथै पूरै अन्तर्वार्ता हेर्नेहरू समावेश हुन्छन्। केही दर्शकहरूले फरक समयमा वा फरक डिभाइसहरूमा भिडियो हेरेमा दुई पटक गणना गर्न सकिन्छ।

कार्लसनले बुधबार साँझ फक्स टेलिभिजनमा बहस सुरु हुनुभन्दा केही मिनेट अघि अन्तर्वार्ता पोस्ट गरेका थिए।

“तपाईले प्रयोग गरिरहनु भएको बहस भन्दा हामीले यो पागल फोरम प्रयोग गरेर ठूला मूल्याङ्कनहरू पाउनेछौं,” ट्रम्पले भनेका छन्। उनले फक्स न्यूजको कमजोर कभरेज भएको र रेटिङ्ग पनि घटिरहेको भने।

फक्समा भएको बहस कति जनाले हेरे भन्ने डाटा बिहीबार जारी हुने अपेक्षा गरिएको छ।