भियतनामको इन्टरनेट स्टार्टअप भीएनजीले अमेरिकामा आईपीओ जारी गर्ने

काठमाडौं ।

भियतनामी इन्टरनेट कम्पनी भीएनजी कर्पले भीएनजी लिमिटेड मार्फत अमेरिकामा प्राथमिक सेयर निष्कासन (आईपीओ) जारी गर्न आवेदन दिएको छ।

भीएनजीले आईपीका लागि अमेरिकी धितो र विनिमय आयोगमा आवेदन दिएको रोयटर्सले उल्लेख गरेको छ।

सूचीकरणले भीएनजीलाई भियतनामबाट अमेरिकामा सूचीकृत गर्ने पहिलो प्रविधि फर्म बनाउनेछ।

भीएनजीले फाइलिङमा करिब २१.७ मिलियन सेयर जारी गर्ने योजना बनाएको छ। आईपीको प्रस्तावित मूल्य सीमा हालसम्म निर्धारण गरिएको छैन।

आईपीओबाट प्राप्त हुने रकम कम्पनीको प्रत्यक्ष शेयरधनी रहेका मूल विदेशी लगानीकर्तालाई भुक्तानी गरिने र बाँकी ऋण चुक्ता गर्न प्रयोग गरिने फाइलिङमा उल्लेख छ।

कम्पनीको विदेशी शेयरधारकहरुमा चिनियाँ सामाजिक सञ्जाल र गेमिङ जायन्ट टेन्सेन्ट र सिंगापुर राज्यका लगानीकर्ता टेमासेक रहेको छ।

२००४ मा स्थापना भएको भीएनजी भियतनामको पहिलो युनिकर्न (एक बिलियन अमेरिकी डलर चुक्ता पुँजी भएको कम्पनी) थियो। कम्पनीले आईपीओ जारी गर्न २०१७ मा अमेरिकी एक्सचेञ्ज अपरेटर नासडाक इंकसँग प्रारम्भिक सम्झौता गरेको थियो।

हो ची मिन्ह सिटी मुख्यालयको कम्पनीको व्यवसायहरूमा अनलाइन गेम, भुक्तानी, क्लाउड सेवा र भियतनामको सबैभन्दा मेसेजिङ एप, जालो लगायत छन्।

फाइलिङका अनुसार सिटी ग्रुप, मोर्गन स्टेनली, यूबीएस र बैंक अफ अमेरिका आइपीओका अन्डरराइटर हुन्।

भीएनजीको आईपीओले भिनफास्टद्वारा हालैको अमेरिकी सूचीकरण डेब्यूलाई पछ्याउँछ र अमेरिकामा आईपीओ जारी गर्न चाहने अन्य दक्षिणपूर्व एशियाली कम्पनीहरूको लागि गति बढाउन मद्दत गर्न सक्छ।