काठमाडौं ।
ह्वाट्सएपले अब भिडियो कलहरूमा स्क्रिन शेयरिङलाई समर्थन गर्नेछ।
मेटाका सीईओ मार्क जुकरबर्गको घोषणा अनुसार, मेटा-स्वामित्वको सन्देश सेवाले अब भिडियो कलहरूमा स्क्रिन शेयरिङलाई समर्थन गर्ने भएको हो।
यो सुविधाले प्रयोगकर्ताले कागजातहरु, तस्बिरहरू, वा प्रयोगकर्ताको स्क्रिनमा हुन सक्ने अन्य कम्पोनेन्टहरुलाई साझेदारी गर्न सकिनेछ।
सुविधा केहि महिनाको लागि विकासमा रहेको तथा गत मेमा बीटा टेस्टहरूमा गएको उल्लेख छ। प्रयोगकर्ताले यसलाई साझा आइकनमा ट्याप गरेर सहज रुपमा पहुँच प्राप्त गर्न सक्नेछन्। त्यसपछि प्रयोगकर्ताले एक विशेष एप मात्र शेयर गर्न चाहने हो, वा आफ्ना सम्पूर्ण स्क्रिनहरु, प्रयोगकर्ताले सहजै छनौट गर्न सक्नेछन्।
यस सुविधासँग प्रयोगकर्ताले परिचित महसुस गर्ने बताइएको छ। यसको कारण सुविधा जुम र गुगल मीटको स्क्रिन शेयरिङ फङ्सनसँग निकै हदमा समान हुनु हो।
नयाँ सुविधा चरणबद्ध रूपमा रोल आउट हुने उल्लेख छ। प्रयोगकर्ताले यसलाई तुरुन्तै देख्न नसकिने तथा यो एन्ड्रोइड, आईओएस, र विन्डोज डेस्कटप क्लाइन्ट मार्फत सबैका लागि निर्धारित समयमा उपलब्ध हुने बताइएकाे छ।
स्क्रिन साझेदारीलाई पूरक बनाउन, व्हाट्सएपले अब ल्यान्डस्केप मोड भिडियो कलहरूलाई पनि अनुमति दिइरहेको छ।
प्रकाशित: २५ श्रावण २०८०, बिहीबार
