काठमाडौं ।
भारतको टाटा कन्सल्टेन्सी सर्भिसेजको नेतृत्वमा रहेको कन्सोर्टियमले देशभरि फोरजी नेटवर्क स्थापना गर्न राज्य संचालित भारत संचार निगम लिमिटेड (बीएसएनएल) बाट १५० अर्ब भारतीय रुपैयाँ (१.८३ बिलियन डलर) भन्दा बढीको अर्डर प्राप्त गरेको कम्पनीले सोमबार बताएको छ।
भारतका आईटी सेवा कम्पनीहरूले माग अनिश्चितताको सामना गरिरहेका बेला यो उपकरणको खरिद आदेश आएको हो।
टीसीएस, भारतको शीर्ष आईटी सेवा प्रदायक, आफ्नो “ठूलो सम्झौता” खण्डमा दबाबको साथ संघर्ष गरिरहेको छ, जसमा १ अर्ब डलर वा सोभन्दा बढीको परियोजनाहरू समावेश छन्। किनभने अमेरिका र युरोपका प्रमुख बजारहरूमा ग्राहकहरूले सुस्त समष्टि आर्थिक वातावरण अवस्थाको सामना गर्दै निर्णय लिनमा ढिलाइ गरेका छन्।
अपेक्षाभन्दा कमजोर चौथो त्रैमासिक परिणाम रिपोर्ट गर्ने कम्पनीले आफ्नो अर्डर बुक १० अर्ब डलर रहेको बताएको थियो।
यसले सम्झौता जीतले हालको क्वाटरमा ७ बिलियन देखि ९ बिलियन डलरमा अनुबंध गर्न सक्ने दाबी गरेको रोयटर्सले रिपोर्ट गरेको छ।
भारतको राहदानी सेवा कार्यक्रम सञ्चालनका लागि ८० अर्ब रुपैयाँको सम्झौतामा गत वर्ष यसको ठेक्का नवीकरण भएको थियो।
गत वर्ष भारतमा ५जी सेवा सुरु भएको थियो। निजी टेलिकम कम्पनी रिलायन्स जियो र भारती एयरटेलले धेरै शहरहरूमा फाइभजी सेवा सुरु गरेका छन्। तर बीएसएनएलले फोरजी नेटवर्क बनाएपछि टेक्नोलोजी अपग्रेड गरेर ५जी सेवाहरूको लागि प्रयोग गर्ने योजना बनाएको भारतीय मिडियाहरुले उल्लेख गरेका छन्।
गत महिना, बीएसएनएलले पञ्जाबका केही क्षेत्रमा परीक्षणको रूपमा ४जी सेवाहरू सुरु गरेको थियो।
बीएसएनएलले तीन वर्षभित्र आफ्नो बजार हिस्सा १५ प्रतिशतबाट २० प्रतिशत पुर्याउने लक्ष्य राखेको छ। कम्पनीको हाल देशभरको बजार हिस्सा नौ प्रतिशत रहेको छ। बीएसएनएलसँग पर्याप्त स्रोतसाधन उपलब्ध भएकाले सेयर बजार जाने योजना नभएको बताएको छ।
प्रकाशित: ९ जेष्ठ २०८०, मंगलवार
