काठमाडौं ।
रोबोट्याक्सी स्टार्टअप पोनी डट एआई (Pony.ai) ले बुधबार चीनको ग्वाङ्झाउ शहरमा पूर्ण रूपमा चालकविहीन सवारी सेवा सञ्चालन गर्ने अनुमति प्राप्त गरेको बताएको छ।
टोयोटा मोटर कर्पोरेशन-समर्थित स्टार्टअप, जसले चीन र अमेरिकामा सेवा सञ्चालन गरिरहेको छ, र अब चीनको राजधानी बेइजिङ र ग्वाङ्झाउमा पूर्ण रूपमा चालकविहीन रोबोट्याक्सीहरूको लागि अनुमति पाएको छ।
रोयटर्सको रिपोर्टअनुसार सवारीसाधनमा ड्राइभिङ सिटमा मानिस र सेफ्टी अपरेटर रहने छैनन्।
पोनीले सन् २०२१ जुनमा ग्वाङ्झाउमा चालकविहीन परीक्षण सुरु गरेको थियो र यस महिनासम्म विश्वव्यापी रूपमा करिब २ लाख सशुल्क-चार्जिङ रोबोट्याक्सी अर्डरहरू जम्मा गरिसकेको कम्पनीले एक विज्ञप्तिमा जनाएको छ।
गत वर्ष, राइड हेलिंग स्टार्टअप तथा बाइदूलाई बेइजिङमा ब्याकअपको रूपमा सुरक्षा अपरेटरहरू बिना पूर्णरूपमा स्वायत्त सवारी साधनहरू परीक्षण गर्न पहिलो इजाजतपत्र प्रदान गरिएको थियो। दुवै कम्पनीले गत महिना बेइजिङमा चालकविहीन ट्याक्सी सेवाका लागि अनुमति पाएका थिए।
क्यालिफोर्नियामा आधारित पोनी डट एआईको अर्को पुस्ताको रोबोट्याक्सी मोडेलले बेइजिङ र ग्वाङ्झाउमा अन-रोड टेस्टिङ इजाजतपत्र प्राप्त गरेको छ, यो मोडेलसँगको रोबोट्याक्सी सेवाहरू निकट भविष्यमा सुरु हुने अपेक्षा गरिएको छ।
प्रकाशित: १४ बैशाख २०८०, बिहीबार
