वीरगञ्ज महानगरले आफ्नो प्रादेशिक कार्यालयमा फोहोर फालेकोमा नेपाल टेलिकमको आपत्ति

काठमाडौं ।

नेपाल टेलिकम, प्रादेशिक निर्देशनालय वीरगञ्जस्थित मधेश प्रदेशको कार्यालयमा घटेको घटनाका बारेमा गंभिर ध्यानाकर्षण भएको जनाएको छ।

नेपाल टेलिकम, प्रादेशिक निर्देशनालय वीरगञ्ज, मधेश प्रदेशको कार्यालय परिसरभित्र आज चैत २१ गते बिहान करिब ९.१५ बजे अचानक १५/२० जना अनधिकृत व्यक्तिहरुको समूहले ५/७ ट्रयाक्टर फोहोर फालेको घटनाप्रति कम्पनीको गम्भीर ध्यानाकर्षण भएको जनाएको छ।

“महानगरको सफा र सुन्दर नगर निर्माण गर्ने अभियानको विरुद्ध हुनेगरी उक्त समूहद्वारा भएको यस घटनाका कारण निर्देशनालयको वातावरण दुर्गन्धित भई स्वास्थ्यमा प्रतिकूल असर पर्ने देखिनुका साथै कार्यालयको काम गर्ने वातावरणमा समेत नकारात्मक असर पर्न गएकाले कम्पनी यस्तो गतिविधिप्रति खेद व्यक्त गर्दछ,” कम्पनीले विज्ञप्तीमा भनेको छ।

उक्त अमर्यादित कार्यको भत्र्सना गर्दै कम्पनी भविष्यमा यस्ता अवान्छित घटना हुन नदिन सम्बन्धित सबैको ध्यानाकर्षण गर्न चाहन्छ।