नुहाईरहेको बेलामा ब्लास्ट हुनसक्छ गीजर, सतर्कताका लागि यी बानी सुधार्नुहोस्

काठमाडौं ।

जाडोको मौसममा दिनप्रतिदिन तापक्रम घट्दै गएको छ। देशभर तापक्रम घटिरहँदा नुहाउनका लागि तातो पानी आवश्यक भएको छ भने तातो पानीका लागि गीजर अत्यावश्यक बनेको छ। बिहान सबेरै तातो पानीले नुहाउँदाको मज्जा बेग्लै हुन्छ। यस्तो अवस्थामा मानिसहरु घरमा गीजर लगाउँछन् ।

गीजर जति फाइदाजनक छ त्यति नै खतरनाक पनि छ। किनभने गीजरको साथ हामीले धेरै सावधानी अपनाउनु पर्छ। यदि यी सावधानी अपनाएनन् भने मृत्युको खतरा हुन सक्छ।

पक्कै पनि घरमा कहिलेकाहीँ कुनै एक सदस्यले गीजर अफ गर्न बिर्सन्छ। यदि गीजर लामो समयसम्म चलिरह्यो भने गीजर विस्फोटको घटना हुन सक्छ। यो कसैलाई नहोस् भनेर हामी तपाईंलाई सचेत गराउँदैछौं।

१. तपाईँ वा तपाईँको घरको कसैले गीजर खोल्दा, गीजर बन्द गर्न नबिर्सनुहोस् भनेर पहिले नै गीजर बन्द गर्ने समय निश्चित गर्नुहोस्। यदपी, आजकल आउने गीजरहरू स्वचालित रूपमा बन्द हुन्छन्। तर पुरानो गीजर भएकामा अटोमेटिक स्वीच अफ सिस्टम हुँदैन्। यस्तो अवस्थामा गीजर कहिले बन्द गर्ने भन्ने कुरामा ध्यान दिनुपर्छ।

२. जब तपाइँ गीजर खरिद गर्नुहुन्छ, यसलाई आफैं फिट गर्ने प्रयास नगर्नुहोस्। किनकि यदि तपाई आफैले प्रयास गर्नुभयो र तार यहाँ र त्यहाँ हुनसक्नेछ, त्यसबेला यो गल्ती तपाईलाई महँगो लाग्न सक्छ। यसका साथै सधैं अन्तराष्ट्रिय मापदण्ड आईएसओ (ISO) चिन्हित गीजर मात्र किन्नुहोस्। स्थानीयरुपमा बनाईएका गीजर नकिन्नुहोस्।

३. पछिल्लो समय ग्यास गीजरको चलन धेरै बढेको छ। तर यसमा ब्युटेन र प्रोपेन नामक ग्यासहरू हुन्छन्। तिनीहरूले कार्बन डाइअक्साइड उत्पादन गर्छन्। यदि तपाइँ यसलाई तपाइँको बाथरूम भित्र स्थापना गर्दै हुनुहुन्छ भने, ध्यान राख्नुहोस् कि त्यहाँ निकास पंखा वा झ्याल हुनुपर्छ। ताकि यसबाट जति ग्यास निस्कन्छ त्यो बाथरुममा जम्मा नहोस् । किनभने यो शरीरका लागि राम्रो होइन्। र नुहाउँदा झ्याल सँधै खुला राख्नुहोस्।

४. गीजर बालबालिकाको पहुँचबाट सँधै टाढा राख्नुपर्छ। ताकि बालबालिकाले गीजरलाई छुन नसकोस्। यसले उनीहरूलाई पनि इलेक्ट्रिक शक लाग्न सक्छ।

५. गीजर बिग्रेमा आफैं मर्मत गर्न सक्छु भनेर हेलचेक्राईँ वा जबर्जस्ती नगर्नुहोस्। यसले गंभिर दुर्घटना निम्त्याउन वा ज्यानै जान पनि सक्दछ। तालिम प्राप्त वा आधिकारिक मेकानिक्सलाई बोलाएर मर्मत गराउनुहोस्।