Technology Khabar ४ पुष २०७९, सोमबार
काठमाडौं ।
ताइवान सरकारले चिनियाँ स्वामित्वको सामाजिक सञ्जाल टिकटकको सहायक कम्पनीले टापु राष्ट्रमा गैरकानुनी रुपमा सञ्चालन गरेको आशंकामा अनुसन्धान शुरु गरेको छ।
ताइवानले बेइजिङले गलत सूचना फैलाउन सोसल मिडिया प्लेटफर्म प्रयोग गरेको भनेर चेतावनी दिइको छ। टिकटक ताइवानमा व्यापक रुपमा प्रयोग हुने गरेको छैन। निजी डाटामा पहुँच पुर्याउने डरले प्राय अमेरिकाको दबाबमा रहेको छ। बाइटडान्सले यो आरोप अस्वीकार गरेको रोयटर्सले उल्लेख गरेको छ।
आइतवार, डिसेम्बर १८ को एक बयानमा, ताइवानको नीति बनाउने मेनल्याण्ड अफेयर्स काउन्सिलले डिसेम्बर ९ मा मन्त्रिपरिषद् अन्तर्गतको कार्य समूहले टिकटकले ताइवानमा ‘गैरकानूनी व्यावसायिक सञ्चालन’ गरिरहेको शंकास्पद फेला पारेको बताएको छ।
ताइवानको लिबर्टी टाइम्स अखबारले रिपोर्ट गरेको छ कि टिकटकको मालिक बाइटडान्सले टापुमा चिनियाँ सोसल मिडिया प्लेटफर्महरूलाई व्यापारिक रूपमा सञ्चालन गर्न अनुमति छैन भन्ने ताइवानको कानूनको उल्लङ्घन गर्दै व्यापार प्रवर्द्धन गर्न टापुमा एउटा सहायक कम्पनी स्थापना गरेको थियो।
मेनल्याण्ड अफेयर्स काउन्सिलले प्रतिवेदनलाई जवाफ दिँदै, मन्त्रिपरिषद्को कार्यदलले वास्तवमा कानूनको कथित उल्लङ्घन भएको फेला पारेको र कानुनी अधिकारीहरूले अनुसन्धान गरिरहेको बताए।
प्रकाशित: ४ पुष २०७९, सोमबार
