काठमाडौं ।
ह्वावे र ओप्पोले विश्वव्यापी प्याटेन्ट क्रस-लाइसेन्सिङ सम्झौतामा हस्ताक्षर गरेका छन्।
दुबै कम्पनीहरुले फाइभजी मापदण्डहरू सहित सेलुलर सञ्चार मापदण्डहरूको आधारभूत प्याटेन्टहरू समेट्ने विश्वव्यापी प्याटेन्ट क्रस-लाइसेन्सिङ सम्झौतामा हस्ताक्षर गरेको घोषणा गरेका हुन्।
सम्झौता अनुसार, ओपोले ह्वावेको उन्नत फाइभजी प्रविधिको लागि इजाजतपत्र प्राप्त गर्न भुक्तानी गरेको छ। साथै, ह्वावेले वायरलेस मापदण्डहरूमा ओप्पोको अनुसन्धानका लागि आवश्यक ओपो प्याटेन्ट लाइसेन्स पनि प्राप्त गरेको छ।
गत वर्ष, स्मार्टफोन, स्मार्ट कार, नेटवर्क, आईओटी र अन्य उद्योगहरूमा लगभग २० विश्वव्यापी उत्पादकहरूले ह्वावे प्याटेन्ट लाइसेन्स प्राप्त गरेका छन् जसमा सामसङ, ओप्पो, नोर्डिक आदि सहित छन्।
यो वर्ष ह्वावेद्वारा करिब ३५० मिलियन ५जी फोन र १५ मिलियन कनेक्टेड कारहरूलाई इजाजतपत्र प्राप्त गर्ने अपेक्षा गरिएको छ।
“यद्यपि ह्वावेले घरेलु कम्पनीहरूसँग केही इजाजतपत्र सम्झौताहरू हस्ताक्षर गरेको छ, तर ओप्पो सबैभन्दा ठूलो हो र सबैभन्दा धेरै पेटेन्टहरू भएको छ,” ह्वावेले खुलासा गर्यो।
प्रकाशित: २३ मंसिर २०७९, शुक्रबार
